web counter
LEXO PA REKLAMA!

SHKARKO APP

App Store
Google Play

Shisnin kokainë në doza/ Arrestohen në flagrancë 2 shtetas në Korçë

27 Gusht 2023, 16:39, Kronika CNA

Shisnin kokainë në doza/ Arrestohen në flagrancë 2 shtetas

Policia ka arrestuar në flagrancë shtetasit K. F., 28 vjeç dhe A. F., 24 vjeçe, të dy banues në Korçë, pasi shisnin kokainë të ndarë në doza.

Përmes një njoftimi zyrtar, blutë bëjnë me dije se gjatë kontrollit të automjetit të këtyre dy shtetasve, i cili ishte pa leje dhe përdorej për shpërndarjen e dozave të kokainës, u sekuestruan një sasi lënde narkotike kokainë, e ndarë në doza të gatshme për shitje, si dhe 1 celular.

Po ashtu, është bërë dhe sekuestrimi i automjetit.

Kapja e këtyre dy personave vjen në kuadër të operacionit "Night sales 5".

"Sekuestrohen një automjet që drejtohej pa leje drejtimi, nga njëri prej të arrestuarve, dhe që përdorej për shpërndarjen e dozave, një sasi lënde narkotike kokainë, e ndarë në doza të gatshme për shitje, si dhe 1 celular.

Specialistët e Seksionit për Hetimin e Narkotikëve të DVP Korçë, në vazhdën e operacioneve me fokus goditjen e veprimtarisë kriminale të shitjes së lëndëve narkotike, në doza, në zona të ndryshme të qarkut, finalizuan operacionin policor të koduar "Night sales 5", si rezultat i të cilit u arrestuan në flagrancë shtetasit K. F., 28 vjeç dhe A. F., 24 vjeçe, të dy banues në Korçë.

Në bazë të informacioneve të siguruara nga inteligjenca policore, për veprimtarinë kriminale të këtyre 2 shtetasve, në lagjen nr. 1, Korçë, u ndalua automjeti me drejtues 28-vjeçarin dhe ku ishte pasagjere shtetasja A. F.

Nga kontrollet, shtetases A. F. iu gjet një sasi lënde e dyshuar narkotike kokainë, e ndarë në doza të gatshme për shitje, ndërsa nga verifikimet, rezultoi se shtetasi K. F. lëvizte me automjet, i papajisur me leje drejtimi, dyshohet për të shpërndarë dozat e kokainës.

Dozat e kësaj lënde narkotike, automjeti dhe 1 celular u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme."/CNA





Lajmet e fundit nga