web counter
LEXO PA REKLAMA!

SHKARKO APP

App Store
Google Play

Zbardhet vrasja e një viti më parë në Kurbin, 59-vjeçari e rrëzoi në kanal viktimën për kullotat

28 Gusht 2023, 13:38, Kronika CNA

Zbardhet vrasja e një viti më parë në Kurbin,

Zbardhet një ngjarje e rëndë e ndodhur më 18 gusht të 2022 në Kurbin, ku 51-vjeçari me iniciale Y.T. humbi jetën. Nga hetimet rezultoi se 51-vjeçari Y.T., kishte debatuar me një 59-vjeçar me iniciale I.L. dhe më pas kishte rënë në kanal, pasi ishte shtyrë nga ky i fundit.

Ai u dërgua në spital, por nuk ka arritur t’u mbijetojë plagëve të marra.

Ndërkohë theksohet se 59-vjeçari me të cilin kishte debatuar viktima është arrestuar, pasi pas debatit ishte larguar dhe nuk e kishte ndihmuar.

“Nga hetimet ka rezultuar se,  shtetasit Y.T dhe I.L ishin konfliktuar verbalisht me njëri - tjetrin, ku si pasojë e atij konflikti Y.T  ka rënë në kanal, ndërsa shtetasi I.L, është larguar menjëherë, pa i dhënë ndihmë”, njoftoi policia. 

Nga hetimet autori dhe viktima ishin banorë të fshatit Shullaz, Kurbin, dhe ishin konfliktuar për kullotën e bagëtive.

Mbi të arrestuarin me iniciale I.L. rëndon vepra penale "Vrasje nga pakujdesia" dhe ndaj tij është vendosur masa "arrest me burg". 

 

 





Lajmet e fundit nga