web counter
LEXO PA REKLAMA!

SHKARKO APP

App Store
Google Play

Armë zjarri dhe kokainë/ Arrestohet 37-vjeçari në Tiranë

30 Gusht 2023, 09:48, Kronika CNA

Armë zjarri dhe kokainë/ Arrestohet 37-vjeçari në

Një 37-vjeçar është arrestuar në Tiranë pasi iu kapën në flagrancë 1 armë zjarri pistoletë me krehër me municion luftarak dhe një sasi kokaine.

Përmes një komunikate zyrtare, policia bën me dije se shtetasi me inicialet M.G. theu masën e sigurisë "Arrest në shtëpi" për veprën penale “Podhimi dhe shitja e narkotikëve”.

37-vjeçari është i dënuar më parë për të njëjtën veprimtari kriminale. 

"Theu masën e sigurisë 'Arrest në shtëpi' për veprën penale 'Podhimi dhe shitja e narkotikëve' dhe u kap në flagrancë me një sasi kokaine, vihet në pranga 37-vjeçari, i dënuar më parë për të njëjtën veprimtari kriminale. 

Gjatë kontrollit në banesën e 37-vjeçarit, u gjet 1 armë zjarri pistoletë me krehër me municion luftarak. 

Sekuestrohen arma e zjarrit pistoletë, një sasi lënde e dyshuar narkotike kokainë dhe një peshore elektronike.

Shërbimet e Komisariatit të Policisë Nr. 6, në vijim të punës për evidentimin dhe goditjen e veprimtarive kriminale, pas informacioneve të siguruara për një shtetas që shpërndante lëndë narkotike kokainë, kanë organizuar dhe finalizuar operacionin policor të koduar 'Recidivisti'. 

Si rezultat, u arrestua shtetasi M. G., 37 vjeç, banues në Tiranë, i dënuar më parë për vepra penale në fushën e narkotikëve.   

Shtetasi M. G. është ndaluar nga shërbimet e Policisë, në rrugën 'Foto Xhavella', dhe gjatë kontrollit fizik, i është gjetur një sasi lënde e dyshuar narkotike e llojit kokainë.

Pas verifikimeve ka rezultuar se 37-vjeçari kishte thyer masën e sigurisë 'Arrest në shtëpi', për veprën penale 'Podhimi dhe shitja e narkotikëve'.

Në vijim të veprimeve, gjatë kontrollit në banesën e këtij shtetasi, u gjet një armë zjarri pistoletë me krehër me municion luftarak, e cila u sekuestrua në cilësinë e provës materiale, së bashku me lëndën narkotike kokainë dhe një peshore elektronike.  

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale."/CNA





Lajmet e fundit nga