web counter
LEXO PA REKLAMA!

SHKARKO APP

App Store
Google Play

Zbardhet ngjarja në Selenicë/ Djali vret babain, i vendos eksploziv në sobën me gaz

2 Shtator 2023, 13:43, Kronika CNA

Zbardhet ngjarja në Selenicë/ Djali vret babain, i vendos eksploziv

Policia e Vlorës ka zbardhur ngjarjen e rëndë të ndodhur në Selenicë, ku fillimisht u raportua se një 56-vjeçar humbi jetën nga një shpërthim i i bombole gazi. 

Hetimet kanë zbuluar se 23-vjeçari me iniciale M.G  ka vrarë babanë e tij duke i vendosur eksploziv në sobën me gaz. Dyshohet se i riu e ka kryer krimin e rëndë për shkak të dhunës së vazhdueshme që babai ka ushtruar ndaj tij, duke vendour lëndë plasëse në sobën me gaz, në oborrin e banesës. 

Njoftimi i Policisë: 

Në vijim të veprimeve të thelluara hetimore për ngjarjen e ndodhur mëngjesin e djeshëm, në territorin e jashtëm të banesës së shtetasit D. G., ngjarje e cila fillimisht u dyshua si aksidentale, grupi hetimor siguroi prova që krijonin dyshime se ngjarja mund të mos ishte aksidentale.

Bazuar në provat e siguruara dhe në veprimet e kryera nga specialistët për Hetimin e Krimeve të Rënda në DVP Vlorë, në drejtimin e Prokuorisë, rezultoi se ngjarja nuk ishte aksidentale, por e qëllimshme.

Si rezultat i veprimeve të thelluara hetimore, u vu në pranga autori i dyshuar, shtetasi M. G., 23 vjeç, djali i 56-vjeçarit që humbi jetën nga shpërthimi në territorin e jashtëm të banesës së tij.

23-vjeçari dyshohet se për shkak të dhunës së vazhdueshme që babai ka ushtruar ndaj tij, ka vendosur lëndë plasëse në sobën me gaz, në oborrin e banesës, nga shpërthimi i së cilës humbi jetën 56-vjeçari.


Në cilësinë e provës materiale janë sekuestruar: mekanizmi elektrik me të cilin është realizuar shpërthimi, 25 granata dore difensive, 37 kallëpe me lëndë plasëse tritol (me peshë 400 gr. secila), 43 kapsolla detonatore, 5 ndezësa granatash, 1 armë zjari pushkë, 1 celular, 2 thika, 310 fishekë luftarakë, 12 krehra për armë zjarri, 2 radio marrëse-dhënëse, kapuça dhe veshje për mbulimin e fytyrës dhe mjete për punime elektrike me ngjitje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

 





Lajmet e fundit nga