web counter
LEXO PA REKLAMA!

SHKARKO APP

App Store
Google Play

Mbyllen primaret në disa bashki/ Shpallen fituesit në Shkodër, Memaliaj, Selenicë dhe Vaun e Dejës

4 Dhjetor 2022, 19:29, Politikë CNA
Mbyllen primaret në disa bashki/ Shpallen fituesit në Shkodër,
Foto ilustruese

Pak më parë ka përfunduar procesi i të votave për Primaret e PD-së në disa bashki të vendit.

Kryetari i bashkisë Shkodër, Bardh Spahia është konfirmuar sërish si kandidat i PD-së në Primare për zgjedhjet e 14 majit.

Spahia u shpall fitues me 1386 pro, 6 kundër ndërsa të pavlefshme u numëruan 5 vota.

Në bashkinë e Memaliajt, pas numërimit të votave komisioni ka konfirmuar fitues Albert Malajn me 300 vota kundrejt Bukurosh Ajdinit me 20 vota, ndërsa 4 vota ishin të pavlefshme.

Në bashkinë e Selenicës është shpallur fitues Leonard Rakipaj me 270 vota nga 500 në total.

Në bashkinë e Vaut të Dejës, fitues është Zef Hila me 743 vota kundrejt Kol Shabanit me 117 vota.

Në Lezhë po vijon ende votimi për kandidatët e Primareve në Partinë Demokartike.

Ndërkohë, në pesë bashki nuk është zhvilluar procesi i primareve.

Në Malësi të Madhe, u vendos të mos mbahet procesi i votimit, për shkak se baza demokratike ka qëndruar larg konfliktit mes dy grupimeve.

Himara, Finiqi dhe Dropulli u janë lënë PBDNJ-së së drejtuar nga Vangjel Dule, ndërsa Pusteci i është lënë Partisë Minoritare Maqedonase./ CNA.al





Lajmet e fundit nga