LEXO PA REKLAMA!

SHKARKO APP

Dështojnë primaret në Korçë/ Votojnë vetëm 945 vetë

4 Dhjetor 2022, 19:09, Politikë CNA
Dështojnë primaret në Korçë/ Votojnë vetëm
Dega e PD Korçë

Ndoshta duket e pabesueshme, por e vërtetë. Pjesëmarrja më e ulët, historike në një palë votime të zhvilluar në Partinë Demokratike e degës së Korçës. Ndoshta kjo është dhe shifra e vërtetë, pasi në shumë momente të tjera ka pasur dhe manipulime siç ka qenë rasti i zgjedhjes së kryetarëve të degës apo votimet negative për kandidatët për deputetë.

Burime për CNA.al konfirmuan jo zyrtarisht se rreth orës 16.30 kishin votuar rreth 637 vetë, ndërkohë që shifra e fundit 945, është një shifër përfundimtare në të dyja komisionet e votimit në Bashkinë e Korçës. Mund të quhet një dështim total, një mos interesim i madh i strukturave dhe anëtarëve të PD-së në Bashkinë e Korçës. Kjo tregon dhe gjendjen reale të kësaj dege, pavarësisht se kandidatët ishin tre, dy zonja dhe një zotëri.

Më rivalët ishin Ledina Aliolli, dekane e Fakultetit Ekonomik në Universitetin e Korçës dhe  doktori  Gjergji Gjata. Por mesa duket pjesëmarrja e demokratëve është mjaft e ulët. Këtu themi një shifër katastrofike se fakti është që nuk kanë votuar vetëm anëtarë, por edhe simpatizantë, çfarë do të thotë që shifra duhet të jetë shumë më e madhe nga ato të votimeve që kanë ndodhur vitet e fundit.

CNA.al gjithashtu mësoi se një pjesëmarrje ka qenë në mëngjes në votim dhe në mbrëmje paska dhe gjatë gjithë ditës pjesëmarrja ka qenë e vakët.

Bashkia e Korçës ka rreth 109.000 votues pasi përbëhet nga  Bashkia e qytetit Korçë dhe disa komuna, kjo sipas ndarjes së re administrative të vitit 2015. Janë 109.000 votues, ku sistematikisht në zgjedhje kanë marrë pjesë rreth 45-50 mijë votues në Bashkia e Korçës, pra të qytetit të Korçës, bashkë me të gjitha njësitë e tjera administrative të ish-komunave.

Pra në 110.000 votues në listë afërsisht votojnë afërsisht 1000 persona, pra diçka më pak se 1% e totalit të votuesve të Bashkisë së Korçës merr pjesë në primaret e PD-së së kësaj dege.

Është koha që PD-ja e Korçës të ndezë sirenat e alarmit. Pasojat e betejave të brendshme, të përplasjeve, konflikteve, paaftësisë së Andrea Manos, një kryetar i zgjedhur me vota të kontestuara, një kryesi e manipuluar, një degë e shpartalluar, nuk mund të ngjallet shpresë dhe besim të qytetarët për të marrë pjesë në votime, për të zgjedhur ata kandidatët që do të kenë në zgjedhjet lokale të 2023-shit.

Fakti është që nga 110.000 votues kanë votuar afërsisht 1000 persona, jo vetëm anëtarë, por dhe qytetarë e simpatizantë të thjeshtë. Kuptohet lehtësisht interesi ndaj procesit të primareve, por edhe ndoshta kandidatëve ku më rivalet janë Lediana Aliolli dhe Gjergji Gjata, e para dhe e akuzuar në këtë proces, i dyti një intelektual qytetar me një angazhim prej vitesh në Partinë Demokratike.

Fakti është që pjesëmarrja është tmerrësisht e ulët as 1% e totalit të zgjedhësve të Bashkisë së Korçës, me një numër shumë të vogël në qytetin e Korçës, thuajse minimal dhe një pjesë tjetër nëpër komuna, ku interesi duket se ka qenë dhe pak më i madh.

Kjo është shifra e konfirmuar nga komisioni për CNA.al, ajo që mund të shpallet mund të jetë një tjetër, por kjo ka pak rëndësi. Sado të manipulohet shifra zyrtare e pjesëmarrjes pas shpalljes përdundimtare të kandidatit fitues, sido që kjo shifër të fryhet apo të keqpërdoret prapë nuk ka më vlerë. Situata tregon se është një katastrofë e vërtetë dhe çfarëdolloj përqindjesh që të ngrenë apo numër pjesëmarrësishdo shkojë 2 apo  maksimuni në 3%. Është e pamundur të shkojë më tepër pasi, pasi dhe fletë votimi kanë prodhuar shumë më pak. Kjo është situata që ka  ndodhur në Korçë, si një sirenë alarmi për primaret Korçë, por edhe në shumë bashki të tjera./ CNA.al

 

Lajmet e fundit nga