web counter
LEXO PA REKLAMA!

SHKARKO APP

App Store
Google Play

E fundit!

x

Gara e Primareve në PD, përmes fotove/ Momentet pikante, kush votoi sot

4 Dhjetor 2022, 13:38, Politikë CNA
Gara e Primareve në PD, përmes fotove/ Momentet pikante, kush votoi
Foto ilustruese

Sot po zhvillohet gara e Primareve në PD ku anëtarësia dhe simpatizantët po votojnë për të përzgjedhur kandidatët që do të shkonjë në zgjedhje vendore përballë PS-së.

Beteja më e fortë mbetet ajo në kryeqytet ku janë 7 kandidatë që synojnë Bashkinë e Tiranës, duke nisur nga Belind Këlliçi, Adriana Kalaja, Julian Deda, Ilir Alimehmeti, Fatmir Merkoçi, Enkelejda Fejzo dhe Gert Bogdani.

Të gjithë kandidatët kanë hedhur në kutinë e votimit zgjedhjen e tyre, duke dhënë dhe mesazhin se ky është një proces i votës së lirë dhe një mundësi për të ndryshuar Tiranën.

Belind Këlliçi së bashku me bashkëshorten Anna votuan në këto Primare, gjithashtu edhe Ilir Alimehmeti dhe kandidatët e tjerë votuan dhe dhanë mesazhet e tyre.

Kreu i PD-së Sali Berisha i shoqëruar nga bashkëshortja e tij Liri Berisha gjithashtu votuan në këto Primare që janë quajtur si një risi në PD.

Të tjerë eksponentë politikë u panë pranë qendrave të votimit, si Rudina Hajdari, Tomor Alizoti, apo Bislim Ahmetaj.

Ajo që nuk kaloi pa u vënë re është edhe pjesëmarrja masive në këto Primare. Ish-kryeparlamentarja Jozefina Topalli u shpreh se ishte e habitur nga pjesëmarrja që sipas saj nuk e kishte parë në vend tjetër përveçse në SHBA.

Përmes disa fotove nga LSA, keni mundësinë të shihni momentet më pikante gjatë procesit të Primareve./ CNA.al





Lajmet e fundit nga