web counter
LEXO PA REKLAMA!

SHKARKO APP

App Store
Google Play

“Pa trysni dhe në liri të plotë”/ Luçiano Boçi: Ky proces do jetë një shembull për mënyrën si duhet votuar në Shqipëri

4 Dhjetor 2022, 10:48, Politikë CNA
“Pa trysni dhe në liri të plotë”/ Luçiano
Luçiano Boçi, nënkryetar i PD-së

Nënkryetari i PD-së, Luçiano Boçi ka votuar sot në garën e Primareve të PD. Ndonëse është kandidat i vetëm për Elbasanin, Boçi është shprehur se vota ka vlerën e saj.

Në një deklaratë për mediat, Boçi u shpreh se ky proces do të jetë një shembull se si duhet të votohet në Shqipëri, pa trysni dhe në liri të plotë.

 “Procesi vazhdon normalisht. Një pjesë e madhe e anëtarëve dhe simpatizantëve të PD kanë ardhur për të shprehur vullnetin e tyre me votë për të zgjedhur kandidatin.

Unë sot jam kandidat i vetëm, por edhe në rastin kur je kandidat i vetëm, vota ka vlerën e saj, sigurisht dhe anëtarët e kanë shprehur këtë vullnet.

Jam i bindur se sanksionimi i votës së anëtarëve do të sanksionojë edhe fuqinë e anëtarësisë, që të jenë ata të zgjedhin drejtuesit në nivele të ndryshme. Sot sanksionohet ajo që kemi kërkuar me forcë: fuqia e votës së lirë.

Ky proces do jetë një shembull për mënyrën se si duhet votuar në Shqipëri. Të votohet ndjeshëm, të votohet me vullnet të plotë, pa trysni dhe në liri të plotë,” tha Boçi./ CNA.al





Lajmet e fundit nga