web counter
LEXO PA REKLAMA!

SHKARKO APP

App Store
Google Play

E fundit!

x

Nesër, gara e Primareve në PD/ Këlliçi bën thirrjen e fortë: Të shpëtojmë Tiranën

3 Dhjetor 2022, 18:44, Politikë CNA
Nesër, gara e Primareve në PD/ Këlliçi bën thirrjen e
Kandidati i Primareve për Bashkinë e Tiranës, Belind Këlliçi

Kandidati i Primareve për Bashkinë e Tiranës, Belind Këlliçi, iu ka bërë thirrje qytetarëve që të votojnë nesër në garën e Primareve , pasi vota e tyre do të përcaktojë të ardhmen e Tiranës.

Përmes një mesazhi në rrjetet sociale, Këlliçi shkruan se me kandidimin e tij kërkon të ndalë shkatërrimin e mëtejshëm të Tiranës, të bëjë transparencë për gjithçka që ju është vjedhur këto vite nga Erion Veliaj.

Këlliçi shprehet se jemi përballë dy mundësive ose që Tirana të zaptohet nga krimi dhe mafia ose t’i dërrmojnë me votë dhe të fitojë Tirana.

“Unë jam rritur në opozitë. Kauza ime është Tirana. 

Kërkoj të ndal një model të rrezikshëm, të një bashkie që shfrytëzon qytetarët dhe hapësirat publike për punë të pista. Unë kërkoj të ndal shkatërrimin e mëtejshëm të Tiranës, të bëj transparencë për gjithçka ju është vjedhur këto vite nga Erion Veliaj.

Ju bëj thirrje të shpëtojmë Tiranën nga kontrolli i mafias në tendera dhe në sektorin e ndërtimit, nga  pastrimi i parave, nga gjobëvënia masive që ju bëhet çdo ditë, nga kaosi urban dhe stresi i të jetuarit në Tiranë.

Tirana duhet t'i ngjajë kryeqyteteve të Europës!  Duhet të shkëlqejë nga pastërtia, rregulli dhe gjelbërimi!

Dy janë mundësitë,  Tirana zaptohet e tëra nga grupet mafioze me para dhe influencë, dhe qytetarët bëhen skllevër të realitetit, ose i dërrmojmë me votë dhe Fitojmë Tiranën, i japim shpresë të rinjve, model të ri, vizion të ri, punë dhe jo propagandë. Është në duart tuaja.  Të ardhmen e Tiranës e përcakton vota juaj”, shkruan Këlliç në rrjetet sociale./ CNA.al

Nesër, gara e Primareve në PD/ Këlliçi bën thirrjen e





Lajmet e fundit nga