web counter
LEXO PA REKLAMA!

SHKARKO APP

App Store
Google Play

Meta "harron" se ka 30 vite në politikë/ Akuzon qeverinë për shpopullimin e Shqipërisë

3 Dhjetor 2022, 12:37, Politikë CNA

Meta "harron" se ka 30 vite në politikë/ Akuzon

Kryetari i Partisë së Lirisë, Ilir Meta, gjatë një takimi me të rinjtë u shpreh se shpopullimi është shndërruar në një shqetësim madhor.

Ai cilësoi se jo vetëm largimi i të rinjve jashtë vendit, por edhe migrimi i banorëve nga zonat rurale drejt qytetit është shndërruar në një problem masiv.

Meta akuzoi qeverinë për politikat e gabuara, por në fakt migrimi dhe emigrimi janë një plagë 30-vjeçare e Shqipërisë, dhe është e çuditshme se si ende sot, Meta i cili ka qenë në shumë poste drejtuese të shtetit dhe 30 vite në politikë, vjen dhe tregon se si rinia po largohet nga Shqipëria, për shkak të politikave të gabuara.

“Prekët me të drejtë shpopullimin se e ndjeni në klasat e familjet tuaja. Për fat të keq sot po ndeshemi me një variant modern të spastrimit etnik, që është shpopullimi. Shifrat, dramatike e alarmante. Jemi në kushtet kur këtë vit janë ulur në bankat e shkollës më pas se 220 mijë nxënës krahasuar me 15 vite më parë. 58 mijë më pak nxënës se 5 vite më parë. 18 mijë më pak se një vit më parë.

Shifra kokëforta që i dinë të gjithë, sidomos jashtë Tiranës. Vendi po zbrazet nga të rinjtë e të rejat, jo vetëm minorenë që lënë shkollën e ikin jashtë vendit, por kemi edhe një braktisje të zonave rurale drejt Tiranës. Kjo për arsye të situatës së krijuar nga qeverisja dhe politikat e saj të dështuara.”, thotë Meta./CNA.al

 





Lajmet e fundit nga