web counter
LEXO PA REKLAMA!

SHKARKO APP

App Store
Google Play

“Çdo gjë është kthyer mbrapsht”/ Gazetari Papa: Protesta, i vetmi reagim nga qytetarët e gjunjëzuar

2 Dhjetor 2022, 21:32, Politikë CNA
“Çdo gjë është kthyer mbrapsht”/ Gazetari
Gazetari Robert Papa

Gazetari shqiptar që jeton në SHBA, Robert Papa, ka folur për protestën e 6 dhjetorit, për të cilën opozita ka deklaruar se do ta zhvillojë pavarësisht kundërshtive dhe kritikave.

Papa tha në MCN Tv se në Shqipëri çdo gjë është kthyer mbrapsht dhe se opozitës i ka mbetur vetëm të protestojë.

Ai deklaroi se shqiptarët kanë të drejtë të protestojnë, pavarësisht se kush i thërret, pasi pretendon se e ndjejnë veten të gjunjëzuar.

“Gjithkund në botë proteston e majta, nuk proteston e djathta. Por në Shqipëri çdo gjë është kthyer mbrapsht, e vetmja gjë që i ka ngelur opozitës është të protestojnë. Zgjedhjet vidhen, shqiptarët ikin, çmimet rriten.

E di që do të heshtë koreania Kim. Shqiptarët kanë të drejtë të protestojnë, pavarësisht se kush i thërret, aq më tepër duke shfrytëzuar një moment të tillë kur janë liderët e BE, se ne kemi dy vite që kemi rënë pre e vëllazërisë së Serbisë. Nuk mendoj se mund të japin mendime të vyera diplomatë të huaj. Kur populli e ndjen veten i gjunjëzuar në mënyrë të padrejtë reagon.

Armët gjithmonë i ka marrë e majta! Si harrohet ‘97-ta, si harrohen diplomatët. Unë jam për liderët e votuar me votë, jo për burokratët. Efektin mund ta ketë dhe për imazhin e Shqipërisë. Mund të ketë ndonjë thënie e tillë, duhet të ndodhë thyerje, djegie që të dalin në mediat e botës. Ata liderë të BE do ndeshen me një ide tjetër, se nuk është Shqipëria reale, Shqipëria e Ramës.

Aktualisht mbështesin këtë qeveri, por media perëndimore ka shkrime ku thuhet se krimi i organizuar kontrollon segmente të qeverisë Rama dhe Shqipëria jeton në një krizë jo vetëm ekonomike, por dhe etike dhe morale. Prishja më e madhe e imazhit është kur në vitin 2022 të kemi gomone, njerëz që rrezikojnë jetën si afrikanët të cilët edhe mbyten në Mesdhe.

Është skandaloze që shqiptarët pas 30 vitesh ndodhen në pozitë të tillë që të ikin nga vendi. Ai vend nuk duhet të ngelet i zbrazët. Kush do vijë në Shqipëri? Apo janë filozofia, idetë e vjetra të Beogradit dhe Athinës? Nuk mendoj se prishet imazhi. Do vij dhe Mitsotakis! Një grupim për të drejtat e Çamërisë, duhet të protestojë”, theksoi ai./ B.A. – CNA.al





Lajmet e fundit nga