web counter
LEXO PA REKLAMA!

SHKARKO APP

App Store
Google Play

Dy ditë nga primaret/ Fatmir Merkoçi, mesazh demokratëve

2 Dhjetor 2022, 23:11, Politikë CNA
Dy ditë nga primaret/ Fatmir Merkoçi, mesazh demokratëve
Fatmir Merkoçi

Kur kanë mbetur vetëm dy ditë nga gara e primareve në Partinë Demokratike, kandidati Fatmir Merkoçi ka dhënë një mesazh për demokratët.

Në një prononcim për CNA.al, Merkoçi ftoi demokratët që t'i japin votën për një të djathtë konservatore.

Gjithashtu, kandidati i primareve për Bashkinë e Tiranës shprehu kritika për përfshirjen e simpatizantëve në votime.

"Mesazhi është ky. Nëse votoni të djathtën konservatore, të më japin votën si e djathtë konservatore se nga 6 kandidatët, i vetmi njeri që përfaqëson të djathtën konservatore jam unë. Nëse nuk më votojnë, nuk është puna se nuk më votojnë mua si individ, por nuk votojnë të djathtën konservatore dhe deklarimi që bëjnë pastaj se jemi parti e djathtë konservatore, është një deklarim populist, thjeshtë për fasadë dhe nuk nuk është real. Pra, e themi por nuk e votojmë.

Unë thirrjen edhe ndaj anëtarëve të PD-së…, kam qenë kundër dhe jam kundër futjes në votim të simpatizantëve se konservatorizmi nuk e njeh simpatizantin që të votojë brenda partisë. Një herë e kanë bërë laboristët këtë në Angli dhe ju vunë komunistin në krye, kur e panë komunistin në krye pastaj u habitën dhe nga ai moment dhe vetë laboristët në Angli nuk e bëjnë më. Nuk e di e bënë si provë këtë, por nuk besoj është një gjetje për momentin. Kemi ngelur akoma tek urdhri, që tha ky, i thashë atij, se këtë e kam mik, këtë e do x, këtë e do y. Ndërsa unë punova, garova, vetëm me frymën e të djathtës koservatore", theksoi Merkoçi./ B.A. - CNA.al

 





Lajmet e fundit nga