web counter
LEXO PA REKLAMA!

SHKARKO APP

App Store
Google Play

E fundit!

x

Fatmir Merkoçi: Pse pranova të garoj në primaret e Tiranës

2 Dhjetor 2022, 22:50, Politikë CNA
Fatmir Merkoçi: Pse pranova të garoj në primaret e Tiranës
Fatmir Merkoçi

Fatmir Merkoçi, kandidati i primareve të Partisë Demokratike për bashkinë e Tiranës ka treguar se përse zgjodhi në garojë.

Në një prononcim për CNA.al, Merkoçi tha se u bë pjesë e garës së primareve, pasi e ndjeu si detyrim që të përfaqësojë demokratët që e kishin propozuar.

“E ndjeva për detyrim sepse dega 9, anëtarët e degës 9 më propozuan për të qenë pjesë e kësaj gare dhe duke parë vlerësimin e tyre se nuk jam as banor i asaj lagje, i atij komuniteti, por duke parë këtë i besova dhe i respektova deri në maksimum për t’i nderuar. Ishte një detyrim edhe moral, edhe partiak, por më tepër unë di që nuk e ndjeja veten për të kandiduar, por nuk doja kësaj radhe të kandidoja, por gjithsesi, ky ishte motivi kryesor që unë u futa në këtë garë. Pastaj vazhdimi i garës është pjesë e imja”, u shpreh ai.

Merkoçi deklaroi se fitoren përballë Erion Veliajt nuk e diskuton, pasi pretendon se e djathta e ka të sigurt bashkinë e Tiranës.

"Një nga arsyet e kandidimit, ose pranimit të kësaj kandidature, ka qenë pikërisht kjo që unë nuk e diskutoj fitoren karshi Erion Veliajt, këtë e kam deklaruar në çdo takim ku kam qenë. Nuk diskutoj fitoren karshi Erion Veliajt, diskutoj primaret brenda partisë. Pra, unë diskutoj demokratët a do jenë në gjendje të kuptojnë se çfarë janë primaret, kjo është ajo që mua më bën, ndërsa përsa i përket Erion Veliajt nuk e diskutoj farë. Për mua është një mandat i fituar i PD-së me bindje dhe përgjegjësi të plotë, se tek e fundit njeriu ka dhe një përgjegjësi politike.

Unë jam politikan, pavarësisht se nuk kam kosto politike, kam 32 vjet që bëj karrierë politike nëpër media. Jam njeriu që kam udhëhequr revolucionin, jam njeriu që jam plagosur më 20 shkurt kur kam rrëzuar monumentin e Enver Hoxhës, jam njeriu që e kam nisur demokracinë në Shqipëri. Jam nga ata 5 vetat e parë që kemi nisur revolucionin në Qytet Studenti, kështu që Veliajn nuk e diskutoj. Këtë e kam të mbyllur si fitore karshi Veliajt. Tani  egjithë ideja ëhstë a do votohem apo nuk do votohem nga demokratët”, theksoi kandidati i primareve./ B.A. – CNA.al





Lajmet e fundit nga