web counter
LEXO PA REKLAMA!

SHKARKO APP

App Store
Google Play

E fundit!

x

“Zëri ynë duhet të dëgjohet”/ Berisha mesazh qytetarëve, thirrja e tij për protestën e 6 Dhjetorit

3 Dhjetor 2022, 18:02, Politikë CNA
“Zëri ynë duhet të dëgjohet”/ Berisha mesazh
Kreu i PD-së, Sali Berisha

Kreu i PD-së, Sali Berisha, ka përcejllë një mesazh të fortë në rrjetet sociale për protestën që do të mbahet në 6 Dhjetor.

Në mesazhin e tij, Berisha shprehet se protesta ditën e samitit, u thirr me qëllimin më madhor, për t’u bërë të qartë liderëve europianë në Shqipëri se Edi Rama duke shpenzuar dhjetëra milionë euro dhe kaangazhuar dhjetëra kompani lobimi, për të paraqitur para tyre një relaitet shqiptar që nuk ekziston.

Ndër të tjera Berisha thotë se Rama sot ka të gjitha pushtetet në duar pasi ka vjedhur votat e shqiptarëve.

Në mbyllje të mesazhit të tij, kreu i demokratëve iu ka bërë thirrje shqiptarëve për të ngirtur zërin pasi qeveria i ka shdërruar ata në “popullin e gomoneve”.

“Me këtë mesazh dëshiroj t’ju sqaroj pse kemi thirrur protestën e datës 6 dhjetor!

Kjo protestë, ditën e Samitit Europian, u thirr me qëllimin më madhor, për t’u bërë të qartë miqve në Shqipëri se Edi Rama duke shpenzuar 10-ra milionë euro dhe duke angazhuar 10-ra kompani lobimi, ka paraqitur tek ju një realitet shqiptar që nuk ekziston.

E vërteta është se, sot Shqipëria është një vend në shpërbërje, nga e cila janë larguar në vitet qeverisëse të tij, më shumë qytetarë se në Siri, që po përjeton luftë civile.Shqipëria është një vend i pasur, por shqiptarët janë sot banorët më të varfër. Kjo jo se nuk ka burime, por se burimet e tyre natyrore, pasuritë e tyre, buxheti i tyre vidhen, vidhen dhe vetëm vidhen nga qeveria.

Edi Rama sot ka të gjithë pushtetet në duar. Kjo jo se ai i meritoi, por sepse ai ka vjedhur votën dhe nuk respekton vullnetin e lirë të qytetarëve. Së fundmi, vjedhjet e Edi Ramës dhe klanit të tij kanë prekur edhe qytetarët tuaj. Me Bitcoin janë vjedhur nga klani qeveritar mbi 2.2 miliardë euro. Të gjitha këto janë vetëm disa elementë të hidhur të realitetit shqiptar.

Ndaj dhe ne, si parti që përmbysëm komunizmin dhe sollëm pluralizmin, zhvilluam vlerat europiane në këtë vend. Antarësuam Shqipërinë në NATO, liberalizuam vizat dhe morëm rekomandimin për statusin e vendit kandidat. Qëndrojmë besnikë në këto vlera dhe këto parime që ndajmë me kombet e vendeve tuaja. Kështu që jemi sot në këtë protestë, pikërisht për të ngritur zërin tonë. Se ne nuk jemi njerëz të varfër, por para së gjithash jemi të vjedhur. Se ne nuk votojmë të lirë dhe kjo vret shpresën e shqiptarëve, i shndërron ata në “boat people”, ndaj dhe duam që zëri ynë të dëgjohet”, është shprehur Berisha në mesazhin e tij./ CNA.al





Lajmet e fundit nga