web counter
LEXO PA REKLAMA!

SHKARKO APP

App Store
Google Play

Pas deklaratave të Rrumbullakut dhe Çuçit/ Reagon opozita, nuk tërhiqen nga protesta

3 Dhjetor 2022, 14:01, Politikë CNA

Pas deklaratave të Rrumbullakut dhe Çuçit/ Reagon opozita,

Ministri i Brendshëm, Bledi Çuçi, dhe drejtori i Policisë, Muhamet Rrumbullaku, thanë sot se opozita mund të protestojë jashtë perimetrit të sigurisë, siç e quajtën ata jashtë zonave të kuqe.

Por në rrethin e kuq, thuajse është vijësuar e gjithë Tirana, në kuadër të masave të sigurisë për Samitin e BE-së.

Ish-ministri i jashtëm, Aldo Bumçi, njëherësh edhe anëtar i Këshillit Kombëtar të Partisë Demokratike, në një komunikim në "MCN TV", thotë se krahas moslejimit për të protestuar para Kryeministrisë, ata do të jenë aty në një protestë paqësore e demokratike.

Sipas Bumçit, në një vend ku qeveria është kundër protestës, është tregues i qartë se Shqipëria nuk është më vend i lirë.

Ne do e mbajmë protestën ajo do të jetë paqësore, europiane, tërësisht qytetare, dhe me vlerat më të mira që kemi treguar edhe në protestat e tjera.

Qeveria që kur deklaruam që do të mbajë protestën, vuri me qëndrimet e saj të pajustifikuara doli kundër protestës duke na quajtur tradhtarë, dhe më vonë e shpalli ditë pushimi, pastaj e ktheu mendjen.

Të gjitha këto qëndrime në koncert të qeverisë dhe të mediave që kontrollohen nga Rama, bombardimi i opinionit publik se kjo është një qëndrim antikombëtar, kur ne po ushtrojmë vetëm një të drejtë, atë të protestës, këtë e deklaruan delegacionin europian që të dilte dhe të kërkonte respektimin e tubimit. Pra, këtu nuk behet fjalë për një çështje teknike, këtu bëhet fjalë për një të drejtë themelore.

Qeveria është kundër protestës, sepse do t'i paraqesin botës që këtu nuk është asnjë problem, atëherë në këtë situatë do t'i tregojmë botës që jemi një shoqëri tërësisht europiane.

Fushata e nisur nga qeveria kundër protestës është shenjë që Shqipëria nuk është më vend i lirë, se nuk mund të jetë publiku shqiptar në këtë presion që nuk duhet të ketë protestë./CNA.al





Lajmet e fundit nga