web counter
LEXO PA REKLAMA!

SHKARKO APP

App Store
Google Play

E fundit!

x

Primaret/ Enno Bozdo: Nëse ka fluks, do shtyhet votimi

4 Dhjetor 2022, 18:05, Politikë CNA
Primaret/ Enno Bozdo: Nëse ka fluks, do shtyhet votimi
Enno Bozdo

Anëtari i kryesisë të Partisë Demokratike, Enno Bozdo ka njoftuar se mund të ketë një shtyrje të procesit të votimit, për Primaret, në rast se do të ketë fluks votuesish.

Gjatë një prononcimi për mediat Bozdo tha se duke qënë se vërehet rradhë votuesish në qendrat e votimit, komisionit elektoral do t’i jepet sinjali për të vijuar punën deri kur votuesi i fundit të ketë dalë nga qendra e votimit.

Gazetarët: A do të shtyhet votimi nëse do të ketë ende votues në qendrat e votimit?

Bozdo: PD gjithmonë e ka ushtruar këtë instrument. Në të gjitha qendrat, të cilat në orën 18:00 kanë ende në radhë, anëtarë, simpatizantë për të votuar, sinjalizohet komisioni electoral në qendër dhe jepet leja për të vazhduar deri në çastin që votuesi i fundit ka votuar dhe ka dalë nga qendra e votimit. Kërkesa shtyhet në 10 apo 15 minutat e fundit të votimit, në çastin kur shihet që vërtetë ka dyndje dhe dyndja nuk përballohet dot brenda orës 18:00./CNA.al





Lajmet e fundit nga