web counter
LEXO PA REKLAMA!

SHKARKO APP

App Store
Google Play

E fundit!

x

Tentoi të kontrabandonte malla me vlerë mbi 150 mijë euro/ Arrestohet amerikani në Rinas

2 Shtator 2023, 14:31, Kronika CNA

Tentoi të kontrabandonte malla me vlerë mbi 150 mijë euro/

Policia në Rinas ka arrestuar 23-vjeçarin amerikan me iniciale H. Z, pasi gjatë kontrollit iu gjetën mallra të ndryshme që ai nuk i kishte deklaruar në doganë. 

Efektivët e policisë i kanë sekuestruar të riut, veshje dhe aksesorë me vlerë mbi 150 000 euro. Mbi të rëndon vepra penale  “Kontrabanda me mallra të tjera”.

Njoftimi i policisë:

Arrestohet në flagrancë një 23-vjeçar (shtetas amerikan) që tentoi të kontrabandonte në Shqipëri, veshje dhe aksesorë të ndryshëm, si dhe disa fatura me vlerë rreth 14 300 dollarë.

Sekuestrohen veshjet dhe aksesorët me vlerë mbi 150 000 euro.

Si rezultat i angazhimit maksimal të shërbimeve të Policisë Kufitare Rinas, në bashkëpunim me autoritetet doganore, për parandalimin dhe goditjen e krimeve kufitare, krahas punës për ofrimin e shërbimit cilësor për qytetarët në hyrje/dalje, është goditur 1 rast i kontrabandës së mallrave.

Në bazë të analizave të riskut, në hyrje, u kalua për kontroll shtetasi amerikan H. Z., 23 vjeç.

Gjatë kontrollit në valixhet e këtij shtetasi, janë gjetur mallra të ndryshme që ai nuk i kishte deklaruar në doganë, siç përcaktohet me ligj.

Në cilësinë e provës materiale janë sekuestruar veshje dhe aksesorë të markave të ndryshme (ora dore, syze dielli, çanta etj.) dhe disa fatura me vlerë rreth 14 300 dollarë.

Në vijim të veprimeve procedurale për këtë rast, u arrestua në flagrancë shtetasi H. Z., 23 vjeç, banues në SHBA, për veprën penale “Kontrabanda me mallra të tjera”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

 

 





Lajmet e fundit nga