web counter
LEXO PA REKLAMA!

SHKARKO APP

App Store
Google Play

E fundit!

x

Dita e Shenjtërimit të Nënë Terezës/ Rama: I dëshmoi botës forcën e dashurisë dhe dhembshurisë

5 Shtator 2023, 10:21, Aktualitet CNA

Dita e Shenjtërimit të Nënë Terezës/ Rama: I

Kryeministri Edi Rama ka përkujtuar Nënë Terezën në ditën e shenjtërimit të saj.

 “Dita e Shenjtërimit të Nënë Terezës, shqiptares që i dëshmoi botës forcën e dashurisë dhe dhembshurisë”, shkruan Rama në rrjetet sociale.

Sot shënohen 7 vite nga shenjtërimi i Nënë Terezës.

Kanonizimi i saj është bërë më 4 shtator 2016, një ditë para 19-vjetorit të vdekjes së saj me 5 shtator, ku njihet edhe si dita e saj e festës, Dita e Shenjtërimit të Nënë Terezës.

Ndërkohë data 5 shtator 1997 shënon ndarjen nga jeta të misionares dhe humanistes, nënës së të varfërve në të gjithë botën, Shën Terezës. Nënë Tereza ishte një murgeshë dhe misionare katolike indiane. U lind në Shkup, në një familje shqiptare, asokohe qendra e Vilajetit të Kosovës në Perandorinë Osmane. Jetoi në vendlindje për tetëmbëdhjetë vjet dhe më pas ajo u shpërngul në Irlandë e më tej në Indi, ku jetoi pjesën më të madhe të jetës së saj.

Më 19 tetor 2003, ajo u lumturua dhe u quajt "Tereza e Bekuar e Kalkutës". Nënë Tereza është nderuar me çmimet dhe nderimet më të larta, duke përfshirë: më 1962 Çmimin e Paqes “Ramon Magsaysay” dhe 1979 Çmimin “Nobel për Paqe”./ CNA





Lajmet e fundit nga