web counter
LEXO PA REKLAMA!

SHKARKO APP

App Store
Google Play

7 vite nga shenjtërimi i Nënë Terezës/ Meta: Simboli i nënës shqiptare, përherë frymëzim

5 Shtator 2023, 09:37, Politikë CNA
7 vite nga shenjtërimi i Nënë Terezës/ Meta: Simboli i
Ilir Meta

Në ditën e shenjtërimit të Nënë Terezës, kreu i Partisë së Lirisë, Ilir Meta, shprehet se ajo është simboli i nënës shqiptare dhe do të jetë përherë frymëzim për të bërë gjëra të vogla me dashuri të madhe.

"Në këtë ditë feste për kombin shqiptar, botën katolike dhe njerëzimin, Shenjtërimin e Nënë Terezës, nderojmë me respekt veprën e Saj të ndritur dhe të paharruar, shembullin e jashtëzakonshëm të humanizmit dhe dashurisë në veprim. Shën Nënë Tereza, simboli i nënës shqiptare, do të jetë përherë frymëzim "për të bërë gjëra të vogla me dashuri të madhe", shprehet Meta në një postim në rrjetet sociale. 

Sot shënohen 7 vite nga shenjtërimi i Nënë Terezës.

Kanonizimi i saj është bërë më 4 shtator 2016, një ditë para 19-vjetorit të vdekjes së saj me 5 shtator, ku njihet edhe si dita e saj e festës, Dita e Shenjtërimit të Nënë Terezës.

Ndërkohë, data 5 shtator 1997 shënon ndarjen nga jeta të misionares dhe humanistes, nënës së të varfërve në të gjithë botën, Shën Terezës. Nënë Tereza ishte një murgeshë dhe misionare katolike indiane. U lind në Shkup, në një familje shqiptare, asokohe qendra e Vilajetit të Kosovës në Perandorinë Osmane. Jetoi në vendlindje për tetëmbëdhjetë vjet dhe më pas ajo u shpërngul në Irlandë e më tej në Indi, ku jetoi pjesën më të madhe të jetës së saj.

Më 19 tetor 2003, ajo u lumturua dhe u quajt "Tereza e Bekuar e Kalkutës". Nënë Tereza është nderuar me çmimet dhe nderimet më të larta, duke përfshirë: më 1962 Çmimin e Paqes “Ramon Magsaysay” dhe 1979 Çmimin “Nobel për Paqe”.

 

 





Lajmet e fundit nga