web counter
LEXO PA REKLAMA!

SHKARKO APP

App Store
Google Play

Rama krenohet me turizmin/ “Pati boom në Korçë, Berat e Gjirokastër”

4 Shtator 2023, 17:16, Politikë CNA
Rama krenohet me turizmin/ “Pati boom në Korçë, Berat e
Kryeministri Edi Rama

Turizmi ka qenë një nga temat për të cilat foli këtë pasdite kryeministri Edi Rama në Asamblenë e Partisë Socialiste.

Rama u krenua me turizmin, duke përmendur fluksin e lartë të vizitorëve që kanë pasur si destinacion Korçën, Beratin dhe Gjirokastrën.

Ai deklaroi se para 10 vitesh këto qytete ishin një “kockë pa mish”.

“Këtë vit që në pranverë nuk ka pasur javë të mos shkruhej për Shqipërinë turistike. Këtë verë shkrimet apo kronikat në mediat më të mëdha të huaja e bombarduan publikun e tyre me tone plot simpati për turizmin shqiptar. Korça, Berati, Gjirokastra dhe të tjera qytete jobregdetare aty ishin, por turizmi ishte vetëm një kockë pa mish në pjatën e tyre. Në Korçë kishte vetëm ndonjë hotel dhe ndonjë bujtinë të varfër, në Berat nuk shkoje dot, Gjirokastra ishte copë-copë.

Rritja e vazhdueshme në dekadën e parë të qeverisjes sonë, kulmoi këtë vit me një boom turistik në Korçë, Berat e Gjirokastër. Kjo u ndje edhe në qytetet larg bregdetit, ku nuk imagjinohej turizmi. Kur flisja për Tepelenën turistike më besonte vetëm Tërmeti me Golikun, që donte të mblidhte polifonistët për ndonjë këngë. Këtë verë te uji i ftohtë i Tepelenës shkohej vetëm me rezervime, ndërsa tutje ndesheshe me njerëz që të përshëndesnin në gjuhë të huaj.”, u shpreh kreu i qeverisë ndër të tjera./ CNA





Lajmet e fundit nga