web counter
LEXO PA REKLAMA!

SHKARKO APP

App Store
Google Play

E fundit!

x

Rama mburret me punën e SPAK/ “Po nxjerr bishtat e neveritshëm të abuzimeve te inceneratorët dhe sterilizimi”

4 Shtator 2023, 18:16, Politikë CNA
Rama mburret me punën e SPAK/ “Po nxjerr bishtat e neveritshëm
Fotomontazh

Kryeministri Edi Rama është mburrur në Asamblenë e Partisë Socialiste me punën e bërë nga SPAK për aferat e inceneratorëve dhe sterilizimit.

Rama tha se SPAK-u dhe organet e tjera të drejtësisë po nxjerrin bishtat e neveritshëm të abuzimeve të inceneratorëve dhe sterilizimit.

Kreu i qeverisë u shpreh se llumi në qeveri nuk i ka dhënë shije të mirë, por theksoi se ka për detyrë ta pastrojë.

“Për impiantet e mbetjeve (inceneratorët), apo sterilizimin, SPAK-u po nxjerr bishtat e neveritshëm të abuzimeve të njërit apo tjetrit. Ashtu ndodh edhe me organet e drejtësisë. Punojmë për dhënien ne drejtësisë së shqiptarëve që e presin prej më shumë se 100 vitesh. Mes gjithë atij llumi kam për detyrë ta pastroj. Patjetër që kjo pjesë s’mund ta na lejë shije të mirë. Është bërë ndërhyrje kirurgjikale për të shkulur tumoret e korrupsionit nga politika.

Dua të them se cila është detyra jonë. Detyra jonë nuk është detyra e tyre dhe anasjelltas. SPAK dhe Gjykata Speciale mund të gabojnë në ndonjë rast dhe u falet, por neve jo. Nëse gabimet e tyre janë gabime të rritjes së një pushteti të ri dhe të pavarur, gabimi ynë do ishte jo gabim i vjetër por faji i madh. Kemi pasur disa regjime, por asnjë drejtësi”, nënvizoi Rama./ CNA





Lajmet e fundit nga