E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

Ikja e paralajmëruar e ministrave për SPAK

4 Shtator 2023, 20:51, Politikë CNA

Ikja e paralajmëruar e ministrave për SPAK

Fotomontazh - Delina Ibrahimaj, Olta Xhaçka dhe Frida Krifca

Kryeministri Edi Rama në mbledhjen e Asamblesë së Partisë Socialiste, pas një fjalimi gati 1 orë e 30 minuta, tha emrat e ministrave që largoheshin nga kabineti qeveritar.

Ja ministrat e rinj të qeverisë Rama
4 Shtator, 18:21

U largua Delina Ibrahimaj nga ministria e Financave, një post i rëndësishëm dhe shkoi ministre e agjëje.

Megjithëse nuk ka probleme me drejtësinë, ish-drejtoresha e Tatimeve është ajo që ka penguar një hetim mbi vlerësimet për TVSH-në në lidhje me kompanitë e inceneratorëve.

Largimi i ish-ministres së Financave, Ibrahimaj përflitej prej kohësh. Gjatë fillimit të muajit gusht u përfol edhe shkarkimi pas një debati në një mbledhje qeverie, por më pas ajo u mbajt në kabinet deri në ndryshimet që do të bëheshin në Asamble.

Ibrahimaj, e përfshirë në korrupsionin për inceneratorët?/ Shehaj: Bllokoi kontrollet për llogari të Zotos
2 Gusht, 14:28

Një nga ministret më të rëndësishme të Edi Ramës ka qenë Olta Xhaçka, e cila ka mbajtur postet e ministres së Mbrojtjes dhe ministres së Jashtme, tashmë mbetet pa mandat. Ajo nuk merr asnjë post zyrtar as në Partinë Socialiste.

SPAK po e heton Olta Xhaçkën për të paktën 3 problematika, të cilat lidhen me kohën kur ajo ka qenë ministre e Mbrojtjes, një në Sarandë, një në Shëngjin dhe një tjetër kallëzim, për kohën kur zonja Xhaçka shfrytëzonte helikopterin e saj për vizitë dhe për fushatë në Dibër.

Rama dorëzon Olta Xhaçkën në SPAK
4 Shtator, 20:30

Një nga emrat që pritej të largohej ishte edhe ministrja Frida Krifca, kjo e fundit ish-drejtoreshë e AZHBR-së.

Javët e shkuara, ajo shpesh u denoncua për fondet e ndërprera nga projektet e Bashkimit Evropian për Shqipërinë, duke u akuzuar si institucion që në shpërndarjen e fondeve kishte korrupsion dhe mungesë transparence.

Rama largoi Frida Krifcën pas skandalit të pezullimit të fondeve nga BE
4 Shtator, 20:38

Ervin Mete vjen te Financat, një ish-zv.ministër dhe drejtor jetëgjatë në pushtet me socialistët. Një emër surprizë është ministri i Jashtëm, një diplomat karriere.

Por lajmi kryesor është ish-ministrja Olta Xhaçka, pasi nuk iu dha asnjë post dhe përgjegjësi, çka tregon se dhe situata e saj në lidhje me hetimet e kryera nga Prokuroria e Posaçme është mjaft delikate dhe së shpejti pritet të ketë edhe informacione në lidhje me hetimet apo veprimet për tu kryer nga SPAK për të./ CNA