E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Zgjohet Luli, mesazh Bardhit: Nëse nuk reflekton, udha e mbarë në bunkerin antiamerikan

5 Shtator 2023, 12:01, Aktualitet CNA

Zgjohet Luli, mesazh Bardhit: Nëse nuk reflekton, udha e mbarë në

Kryetari i Partisë Demokratike të "vulës" i ka dërguar një mesazh Gazment Bardhit nga takimi që zhvilloi këtë të martë me Kolegjin e Kryetarëve.

Ai tha se nuk do të humbasin durim për të ftuar këdo që të reflektojë e të jetë pjesë e vlerave që sipas tij përfaqëson partia që ai drejton.

Basha i ka theksuar Bardhit se nëse nuk reflekton, i qoftë udha e mbarë në bunkerin antiamerikan.

“Cilido do që t'i bashkohet aleancës së kullës së korrupsionit është i lirë, por mbaj flamurin e demokratëve dhe të flas për ta në emër të interesit personal apo në emër të interesave personale të klientëve të trekëndëshit të Bermudës. Për shumë gjatë ju penguan juve, penguan Partinë Demokratike me manovrat e errëta, tani po shfaqen në sytë e demokratëve. Kjo kohë mori fund, koha kur vendimet në emër të demokratëve i merrnin një grusht njerëzish mori fund, me vendimet e Kuvendit Kombëtar. Ndaj dua ta them hapur, unë s’do lejoj askënd të luajë me interesat politike të PD-së, që kërkon të çojë demokratë symbyllurazi në hullitë e 'non grata'-ve, se ne hymë në këtë betejë për të mbrojtur interesat e PD-së, si interesat euroatlantike jo thjesht të demokratëve, por edhe të shqiptarëve. Ndaj do qëndrojmë fuqimisht për këto vlera.

S’do reshtim dhe s’do humbasim durimin tonë për të ftuar këdo që të reflektojë e të jetë pjesë e këtyre vlerave, por që kanë vendosur t'i trafikojnë këto vlera në këmbim të komoditetit të rremë politik apo personal, udha e mbarë u qoftë në bunkerin antiamerikan. PD nuk e dëmtojnë më”, tha Basha.

Bardhi ka thirrur një mbledhje ditën e sotme ku 40 deputetë të Partisë Demokratike kanë konfirmuar pjesëmarrjen mes tyre dhe ish-kryeministri Sali Berisha.

Basha e quan këtë si një bashkim me bunkerin antiamerikan.

Në seancën e djeshme plenare Basha i kërkoi Bardhit që pas seancës të pinin kafe bashkë, por Bardhi e refuzoi kërkesën e tij.