web counter
LEXO PA REKLAMA!

SHKARKO APP

App Store
Google Play

E fundit!

x

Dita e të Pagjeturve në Kosovë/ Osmani, thirrje komunitetit ndërkombëtar

30 Gusht 2023, 11:13, Kosova & Bota CNA

Dita e të Pagjeturve në Kosovë/ Osmani, thirrje komunitetit

30 gushti shënon Ditën e të Pagjeturve në Kosovë.

Pas 25 vitesh nga lufta, në listën e personave të pagjetur në Kosovë ende figurojnë edhe 1648 emra.

Gjatë pjesëmarrjes në saj në ceremoninë për të përkujtuar këtë ditë, Osmani u bëri thirrje komunitetit ndërkombëtar dhe aleatëve të Kosovës që të kontribuojnë për gjetjen e fëmijëve të zhdukur, të cilët ndodhen në varre masive brenda territorit serb.

“U bëj thirrje gjithë komunitetit ndërkombëtar, të gjithë aleatëve dhe miqëve të Republikës së Kosovës, të gjithë aleatëve të të drejtave të njeriut, që të mendojnë pak për nënat, për motrat, vëllezërit, prindërit e familjarët e atyre fëmijëve të zhdukur që akoma janë në varreza masive mbi të cilat po fle Serbia edhe 25 vite pas lufte”, deklaroi Osmani.

Ndër të tjera, Osmani tha se shpreson që dialogu në Bruksel t’i vijë në ndihmë normalizimit të marrëdhënieve dhe të mos i ushtrohet presion shtetit dhe popullit të Kosovës pa të drejtë, ndërkohë "fytyra e Vuçiçit që ende fle mbi varreza masive."

“Shpresojmë shumë që dialogu në Bruksel nuk do të jetë një proces nga i cili Kosovës do t’i bëhet trysni, popullit të Kosovës do t’i bëhen padrejtësi, ndërkaq fytyra e Vuçiçit që ende fle mbi varreza masive do vazhdojë të shpëlahet padrejtësisht”, – tha presidentja Osmani./CNA





Lajmet e fundit nga