E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Fshati me 800 banorë pret 10 mijë vizitorë në një ditë / Protestë kundër turizmit masiv

30 Gusht 2023, 09:41, Kosova & Bota CNA

Fshati me 800 banorë pret 10 mijë vizitorë në një

Gjatë fundjavës së fundit, qytetarët e fshatit Hallstatt në Austri kanë protestuar kundër turizmit masiv në këtë zonë duke bllokuar rrugën kryesore për në qytet.

Përkundër faktit se ka një popullsi prej vetëm 800 banorësh, ajo sheh mbi 10,000 vizitorë brenda një dite gjatë sezonit të pikut të verës, raporton "SchengenVisaInfo.com".

Sipas një raporti të "Sky News", të dielën, vendasit bllokuan hyrjen kryesore në tunelin e fshatit në shenjë proteste kundër turizmit.

Gazeta austriake Salzburger Nachrichten tha se tuneli u mbyll për gati 15 minuta.

Duke mbajtur pankarta me slogane si "Mendoni për fëmijët tanë" dhe "Kufijtë radikalë për turizmin masiv", rreth 100 njerëz u mblodhën për protestën.

Banorët e Hallstatt kërkuan kufizime në numrin e turistëve ditorë dhe gjithashtu ndalimin e autobusëve turistikë pas orës 17:00 me orën lokale.

Kjo nuk është hera e parë që banorët bëjnë thirrje për veprim sa i përket turizmit masiv në këtë zonë. Në maj të këtij viti, banorët e Hallstatt ndërtuan një mur druri për të bllokuar pamjet e Alpeve dhe për të treguar zemërimin e tyre në këtë mënyrë.

Veprimet e banorëve erdhën si protestë kundër ndotjes akustike dhe trafikut. Megjithatë, pas një reagimi të ashpër në rrjetet sociale, muri i ndërtuar nga banorët u hoq menjëherë.

Popullariteti i fshatit u rrit ndjeshëm pas paraqitjes së tij në një serial romantik superhit të Koresë së Jugut në 2006.

Turizmi masiv ka qenë ndër problemet më të theksuara të disa qyteteve të tjera në vende të tjera.

Më parë banorët e Venecias kanë shprehur shqetësimet e tyre lidhur me turizmin masiv në këtë qytet, i cili po shënon shifra të ulëta të popullsisë. Arsyeja kryesore e kësaj situate u konsiderua turizmi masiv pasi fluksi i vizitorëve vështirësoi qëndrimin e banorëve prej kohësh në këtë qytet.

Sipas drejtuesit të organizatës "Venessia.com", popullsia veneciane do të ulet me 50 mijë deri në fund të këtij muaji, bazuar në të dhënat e gjendjes civile.

“Ne kemi paralajmëruar për këtë për vite me radhë… nuk duam të heqim dorë, por asnjë administratë nuk ka arritur të ndryshojë trendin. Turizmi është një thikë me dy tehe, sepse ju merrni para, por në të njëjtën kohë, ju dëboni të gjitha aktivitetet dhe hapësirën për [banorët]”, tha Secchi për Guardian.

Në të njëjtën kohë, Barcelona prezantoi më parë masa për të menaxhuar numrin e madh të grupeve që shkojnë në këtë destinacion popullor evropian./ CNA