web counter
LEXO PA REKLAMA!

SHKARKO APP

App Store
Google Play

E fundit!

x

Dhunohet 15-vjeçari në oborrin e shkollës/ Bashkëmoshatarët e filmojnë dhe nuk ndërhyjnë

29 Gusht 2023, 19:52, Kosova & Bota CNA

Dhunohet 15-vjeçari në oborrin e shkollës/

Një ngjarje e rëndë është regjistruar në Kamatero të Greqisë, ku është dhunuar një 15-vjeçar.

I mituri është dhunuar nga një bashkëmoshatar brenda oborrit të shkollës, ndërsa lajmi ka bërë bujë këtë të martë në Greqi pasi videoja u publiku në rrjetet sociale.

Nëna e viktimës ka deklaruar se djali i saj ka shkuar në shtëpi me fytyrën e fryrë dhe të nxirë. Protothema raporton se gjithashtu ajo ka treguar se si ka ndodhur ngjarja e rëndë.

“Ai e shtyu me bërryl dhe e rrëzoi. Më pas ai ka vazhduar ta godasë në kokë. Kjo ka ndodhur në një oborr shkolle ku fëmijët ulen aty dhe në thelb mblidhen për të mos qenë në rrugë.

Ishin tre fëmijë bashkë, por të tjerët nuk morën pjesë, vetëm njëri e goditi. Djali nuk më tha asgjë, i ishte fryrë faqja, nuk më tha gjë, po më fshihej, mendova se po flinte, mendova se po largohej”, ka rrëfyer nëna e të miturit.

Ajo ka theksuar se djali i saj nuk ka kërcënuar askënd dhe papritur ka rënë pre e një dhune të egër.

Pamjet e dhunës janë filmuar nga fëmijët e tjerë të pranishëm, të cilët nuk kanë ndërhyrë por janë bërë spektatorë të kësaj ngjarjeje.

Dy javë më pas, videoja e dhunës është publikuar në rrjet dhe është parë nga nëna e 15-vjeçarit, e cila ka takuar prindërit e autorit./ CNA





Lajmet e fundit nga