web counter
LEXO PA REKLAMA!

SHKARKO APP

App Store
Google Play

E fundit!

x

Finlanda bëhet vendi i parë në botë që teston dokumentet digjitale të udhëtimit

29 Gusht 2023, 11:10, Kosova & Bota CNA

Finlanda bëhet vendi i parë në botë që teston

Roja Kufitare Finlandeze ka njoftuar se finlandezët do të jenë të parët në botë që do të testojnë dokumentet digjitale të udhëtimit duke filluar nga dita e sotme, 28 gusht.

Sipas Gardës Kufitare, të gjithë finlandezët në fluturimet e Finnair që do të udhëtojnë në Londër, Mançester dhe Edinburg do të jenë në gjendje të testojnë dokumentin digjital të udhëtimit.

Kjo do të thotë se ata do të kenë mundësinë të kalojnë kontrollet më shpejt pa pasur nevojë të presin për një periudhë të gjatë, transmeton "SchengenVisaInfo.com".

Siç shpjegohet, pasagjerët do të mund të kalojnë procedurat më shpejt duke u regjistruar si përdorues vullnetarë të një dokumenti digjital udhëtimi.

Megjithatë, është theksuar se dokumenti mund të testohet vetëm në aeroportin e Helsinkit. Ata që do të regjistrohen në sistem do të mund të testojnë dokumentin digjital të udhëtimit deri në fund të shkurtit 2024.

Dokumenti digjital i udhëtimit, i njohur si DTC (Digital Travel Credentials), po testohet për herë të parë në botë, siç sqaron Garda Kufitare. DTC është një version digjital i pasaportës fizike dhe është po aq i besueshëm sa ky i fundit./CNA





Lajmet e fundit nga