web counter
LEXO PA REKLAMA!

SHKARKO APP

App Store
Google Play

Vuçiç, në ankth/ Pret presione dhe kërcënime nga Kosova

29 Gusht 2023, 11:27, Kosova & Bota CNA

Vuçiç, në ankth/ Pret presione dhe kërcënime nga

Presidenti serb, Aleksandar Vuçiç, tha se muajt në vazhdim nuk do të jenë të lehtë dhe se pret shumë presione dhe kërcënime dhe zbatim të këtyre kërcënimeve nga ana e Kosovës.

“Më duket se muajt në vazhdim nuk do të jenë të lehtë dhe pres shumë presione dhe kërcënime dhe zbatim të atyre kërcënimeve në Kosovë dhe Metohi nga ata që janë përgjegjës dhe nuk e kuptojnë se paqja nuk është vetëm në interes të serbëve, por edhe të shqiptarëve”, tha ai.

“Por kur sheh sa probleme të tjera ka në botë, është mirë kur mund të ndërtosh dhe punosh dhe të sigurosh një të ardhme të tillë për fëmijët tanë”, shtoi Vuçiç.

Ndryshe, nga Presidenca është bërë e ditur se Vuçiç nesër në orën 12:00 në Beograd do të takohet me të dërguarin special të BE-së për dialogun ndërmjet Beogradit dhe Prishtinës, Miroslav Lajçak.

“Nëse e shprehin qartë dëshirën për zgjedhje, do t’i kenë më shpejt se sa e kishin menduar”.

I pyetur nga një gazetar për zgjedhjet në Beograd, Vuçiç tha se përfaqësuesit e opozitës “tani thonë se duan zgjedhje me çdo kusht dhe askush nuk i pyet se si është e mundur të bëhet e gjithë kjo për 10-15 ditë”.

"Nëse shprehin qartë vullnetin dhe dëshirën për zgjedhje sa më shpejt, do t'i kenë më shpejt nga sa mendonin. Dhe do të humbasin përsëri, sepse nuk mund ta mashtroni popullin, do të humbin me një diferencë më bindëse se më parë", ka thënë Vuçiç.

I pyetur se çfarë mesazhi është fakti që nuk do të ketë përfaqësues të serbëve në qeverinë e re të Malit të Zi, Vuçiç tha se nuk dëshiron të ndërhyjë në punët e brendshme të atij vendi.

“Ne do të merremi me çështjen e popullit tonë dhe veprimit politik, por fillimisht duhet të formohet një qeveri. Ne e respektojmë Malin e Zi, e vlerësojmë dhe do të presim se si do të shkojnë gjërat, pastaj do të komentojmë”, tha Vuçiç./ CNA





Lajmet e fundit nga