web counter
LEXO PA REKLAMA!

SHKARKO APP

App Store
Google Play

E fundit!

x

Dinamika e ngjarjes/ Plagoset me plumb në kokë shqiptari në Greqi

30 Gusht 2023, 09:39, Kosova & Bota CNA

Dinamika e ngjarjes/ Plagoset me plumb në kokë shqiptari në Greqi

Një ngjarje e rëndë ka ndodhur në Menidi të Athinës ku një shqiptar ka mbetur i plagosur me plumb në kokë.

Sipas mediave greke, një sherr për motive të dobëta gjatë një festivali është bërë shkak që shqiptari të nxjerrë armën dhe të plagosë në këmbë një grek.

Sipas raportimeve gjithçka nisi të shtunën e kaluar kur shqiptari ishte në një panair teksa punëtorët po mblidhnin tezgat. Aty ka shpërthyer një sherr mes shqiptarit dhe dy grekëve.

Në përleshje ka ndërhyrë dhe një 35-vjeçar grek (i cili punonte në një dyqan akulloresh), që e goditi shqiptarin në fytyrë dhe e hodhi poshtë. 

Të shtunën u mendua se sherri përfundoi aty, por në orët e para të ditës së sotme, shqiptari ka shkuar i armatosur në të njëjtin vend duke hapur zjarr ndaj 35-vjecarit grek dhe duke e plagosur në këmbë.

Duke u larguar, shtetasi shqiptar është përplasur me një kalimtar duke i rënë arma nga dora. Armën ka arritur ta marrë 35-vjeçari grek, i cili ka hapur zjarr ndaj shqiptarit duke e plagosur rëndë në kokë.

Të dy të plagosurit janë dërguar në spital. 

35-vjeçari është jashtë rrezikut për jetën, ndryshe nga shqiptari, i cili ndodhet në gjendje kritike për jetën me një plumb në kokë. 

Ky shtetas shqiptar njihet për autoritetet për një sërë krimesh të rënda dhe ka vuajtur dënimin me burg. 

Mësohet se ai u lirua nga burgu së fundmi./CNA





Lajmet e fundit nga