web counter
LEXO PA REKLAMA!

SHKARKO APP

App Store
Google Play

Kërcënoi me vrasje kryeministrin Albin Kurti/ Arrestohet një person në Kosovë

31 Gusht 2023, 16:57, Kosova & Bota CNA
Kërcënoi me vrasje kryeministrin Albin Kurti/ Arrestohet një
Kryeministri i Kosovës, Albin Kurti

Një person ka rënë në pranga në Kosovë, pasi akuzohet se ka kërcënuar me vrasje kryeministrin e Kosovës, Albin Kurti.

Prokuroria Speciale e Kosovës ka njoftuar se konkretisht ka arrestuar shtetasin me iniciale N.S.

Ky person ka bërë një status me përmbajtje kërcënuese ndaj Kurtit në rrjetet e tij sociale dhe të njejtën gjë e ka përsëritur edhe ditën e djeshme gjatë transmetimit të drejtpërdrejtë të një emisioni.

“Me urdhër të Prokurorisë Speciale të Republikës së Kosovës (PSRK), Policia e Kosovës, ka arrestuar sot të dyshuarin me inicialet N.S. për shkak të dyshimit të arsyeshëm se ka kryer veprën penale ‘’Dhuna ndaj përfaqësuesve të lartë të Republikës së Kosovës’’ nga neni 121 të KPRK-së. Prokuroria Speciale njofton se i dyshuari N.S. ka bërë kanosje të dhunës për vrasje ndaj Kryeministrit të Republikës së Kosovës, pasi që ka bërë një postim në rrjetin social “Facebook’’ me përmbajtje inkriminuese, si dhe, gjatë transmetimit të drejtpërdrejtë të emisionit “DEBAT PLUS’’, të datës 30 gusht 2023, të njëjtën deklaratë i njëjti e përsëritë”, thuhet në njoftimin e Pokurorisë.

Sipas Kodit Penal të Republikës së Kosovës, saktësisht Nenit 128, kryerja e kësaj vepre dënohet me burgim nga tre deri në dhjetë vjet./ CNA





Lajmet e fundit nga