Histori që daton 100 vite më parë/ Vaji organik i “Shkalla” synon tregun global

3 Tetor 2024, 17:35, Qyteti im CNA

“Shkalla Sh.” është një kompani shqiptare e krijuar në vitin 1996 dhe që prodhon vaj organik ekstra të virgjër. Ky biznes mori pjesë në panaririn e gastronomisë, që u mbajt për dy ditë në Berlin të Gjermanisë, mes 110 kompanive shqiptare, të trevave dhe diasporës.

CNA e ka raportuar panairin e gastromisë që është mbajtur “Arena Halle” të Berlinit, një rast shumë i mirë promovimi i bizneseve shqiptare, që ushtrojnë aktivitete në fusha të ndryshme.

Histori që daton 100 vite më parë/ Vaji organik i

Gazetari Elvi Fundo ka shkuar në “Arena Halle” të Berlinit për të parë nga afër këtë panair. Një nga stendat ishte ajo e vajit të ullirit 100% organik, i pordhuar nga “Shkalla Sh.”

Produktet ishin në stendën e Agjensisë Shqiptare të Zhvillimit të Investimeve. Ky produkt është fitues i disa çmimeve ndërkombëtare. Kompania është përfshirë në katalogjet e vajit të ullirit global që nga viti 2007.

Histori që daton 100 vite më parë/ Vaji organik i

Pjesëmarrja në festivalin e gastronomisë synon depërtimin e mëtejshëm në tregun e huaj, kryesisht atë gjerman.

Në sajë të përpjekjeve të vazhdueshme dhe me asistencën e donatorëve të huaj, “Shkalla Sh.” eksporton vaj ulliri organik ekstra të virgjër në Zvicër, si dhe prodhon për tregun vendas.

Fabrika e prodhimit të vajit të ullirit të firmës "Shkalla Sh." ndodhet në Lundër të Tiranës. Historia e familjes fillon para 100 vjetësh ku në mullirin e vajit të familjes Ramazan SHKALLA bluheshin ullinjtë e fshatit Farkë. U ndërpre puna me vendosjen e sistemit socialist, ku pemët e ullirit u kthyen në pronë shtetërore.

Histori që daton 100 vite më parë/ Vaji organik i

Aktiviteti rinisi në vitin 1996. Që prej vitit 2001 ka filluar certifikimin e prodhimit të ullirit bio. Në vitin 2003 ka filluar exportin në Zvicër. Për t’u klasifikuar si vaj ekstra i virgjër, niveli i aciditetit të vajit të ullirit duhet të jetë jo më i lartë se 0.8%. Vaji i ullirit ekstra i virgjër është mirë të përdoret për gatime në të cilat vaji i ullirit nuk duhet të ngrohet, si për shëmbull në sallata./ CNA