E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Për herë të parë, mbahet festa e Koranit në Pogradec

14 Shtator 2024, 15:52, Qyteti im CNA

Për të parin vit është zhvilluar festa e “Koranit” në Pogradec. Në këtë aktivitet, të shumta janë veprimtaritë promovuese të zonës dhe prezantimit të kulinarisë tradicionale.

Festivali nisi me hedhjen e rasatit të Koranit, ku më shumë se 1.8 milionë individë të species u hodhën në liqen, ndyshe nga Maqedonia e Veriut ku prej 4 vitesh nuk është hedhur rasat.

Ndërsa ky vit shënoi çmimin rekord në shitje të koranit, i cili niste nga 3500 lëkë të rinj në tregun me shumicë.

“Këtë vit është në rritje krahasuar me vitin e shkuar ku u arrit një rekord që nuk ka ndodhur për 30 vjet ku është 1 milion e 840 mijë dhe na është premtuar nga Ministria e Bujqësisë që mund të kemi shtesa në kapacitetet e qëndrës dhe mbështetjes e kemi pasur gjithmonë për të rritur prodhimin. Kjo vazhdon në dy faza, bëhet një hedhje që bëhet nga qershori deri në fund të gushtit dhe pastaj fillon tetor-nëntor dhe më pas në janar fillojmë grumbullojmë vezët. Korani ishte drejt një zhdukje dhe vitet e fundit në bashkëpunim me shoqatën me Ministrinë e Bujqësisë, inpektoriati, masat administrative kanë bërë punën e vet gjithashtu peshkatarët janë ndërgjegjësuar më shumë. Ngaqë është rritur turizmi është rritur dhe çmimi madje këtë vit ka qenë një rekord 3500 të reja pra peshkatari po e mbron më shumë pasi po fiton më shumë. Çmimi u rrit pasi ka kërkesë nga hotelet, pasi turizmi nga viti në vit po shtohet”, u shpreh Olsi Çekiçi.

Festivali i Koranit i shtohet kalendarit të përvitshëm të aktiviteteve në Pogradec, si një mënyrë për të shtuar ofertën turistike. Ndërsa sezoni që po lemë pas, ka qënë më i sukseshëm për Kreun e Bashkisë Pogradec Ilir Xhakolli.

“Pogradeci vazhdon të zbatojë kalendarin e projekteve që kishte gjithë vitin. Mbaroi sezoni turistik, por ne vazhdojmë të krijojmë aktiviteti të tjera siç është edhe sot kjo festë, joqëllimisht e lamë në këtë datë pasi në këtë periudhë hidhet dhe rasati i koranit. Këtë vit hedhim mbi 2 milionë rasat që është një shifer rekord, prandaj dhe ne ngaqë korani është një specie unike duam që ta fusim në kalendarin tonë që të jetë një festë pasi i takon sepse është mbreti i liqenit. Për fat të keq koha sot nuk na mbajti aq mirë pasi ne kemi krijuar një aktivitet gjatë gjithë ditës, edhe me prodhimet e operatorëve turstik me gatime në forma të ndryshme të koranit dhe mbasdite me një aktivitet artistik. Uroj që të gjithë qytetarët e Pogradecit të vijnë dhe të festojnë në këtë ditë. Pogradeci është futur në qytetet me turizëm 4 stinor dhe ne do vazhdojmë me aktivitete të ndryshme deri në fund të vitit, por me të dhënat që kam unë Pogradeci konsumon 25 ton mbeturina që ne i çojmë në landfill në fakt gjatë sezonit ka patur 100 ton në ditë duke treguar që gjatë sezonit Pogradeci është 3-fishuar”, tha Xhakolli.

Pjesë e aktivitetit ishin dhe përfaqësuesit e restoranteve të ndryshëm, të cilët në stendat e vendosura posaçërisht paraqitën gatimet tradicionale me bazë koranin. Gatimet do të vlerësohen nga një juri e përbërë nga kuzhinierë të njohur, të cilët do të ndanin 3 çmime për gatimin më të mirë. Ndërkohë në menutë e paraqitura nga resotarantet gatimi kryesor është ai i koranit.

Performanca nga artistët e qytetit, gatime vendase dhe një shumëllojshmëri aktivitetesh të tjera u planifikuan për këtë festival, ndërkohë që mbrëmja kulmon me një koncert të zhvilluar nga Dren Abazi dhe Zigzag Orkestra./ CNA