E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Festa e lakrorit/ Ushqimi tradicional i Korçës vjen nga amviset e Polenës

4 Gusht 2024, 22:00, Qyteti im CNA

Lakrori i pjekur në saç, një prej gatimeve tradicionale më të njohura të zonës së Korçës, prej vitesh ka tërhequr vëmendjen e turistëve dhe vizitorëve.

Ky gatim shtëpie me dy petë brumi dhe mbushje të ndryshme që piqet në saç është bërë shumë i pëlqyer ndërsa fshati Polenë është kthyer në qendrën e festës së lakrorit.

Çdo verë, amvisat e Polenës mblidhen së bashku dhe këtë gatim përgatitjen e së cilit e kanë trashëguar në familje, e ofrojnë për pjesëmarrësit e festës së Lakrorit të cilët kanë edhe mundësinë të shohin përgatitjen e tij përveçse ta shijojnë.

Festa e lakrorit/ Ushqimi tradicional i Korçës vjen nga amviset e

“Vijmë gjithmonë në Polenë pasi kemi edhe miq dhe familjarë. Organizimi është shumë i bukur, gjithçka duket e përsosur si për fëmijët ashtu edhe për të rritur. Lakrori që shijuam ishte shumë mirë”, u shpreh njëra nga amvisat.

“Erdhëm për të marrë pjesë në këtë festë në Polenë që bëhet çdo vit nga bashkia. Polena është një fshat nikoqir. Polenaket ruajnë traditën për të siguruar zahiretë e dimrit dhe gatimet i kanë shumë të veçanta. Kemi provuar disa nga lakrorët, me kungull, me presh, me qepë me domate, ishin të shkëlqyer të gjithë. Mua më gëzon më tepër fakti që kjo festë na bashkon të gjithëve, sepse njerëzit nuk vijnë vetëm për të ngrënë lakoror, por edhe të takohen me njëri-tjetrin, pasi janë larguar, janë mërgimtarë, kanë kujtime dhe kjo e bën festën më të këndshme.

Festa e lakrorit/ Ushqimi tradicional i Korçës vjen nga amviset e

Lakrorin e bën të veçantë kënaqësia që gatuhet me zemër dhe kur gatuhet me zemër është shumë e shijshme. Unë që 12 vjeç kam përgatitur lakror. Kemi qenë 5 fëmijë dhe unë gatuaja, pasi nëna shkonte në punë. Traditën e kam trashëguar edhe tek vajza, edhe tek nusja.

Sekreti i lakrorit me dy petë është tek pjekja. Pjekja ka sekretin e saj. Duhet ta lesh 15 deri 20 min në saç që të piqet plotësisht. Kam shumë vite që pjek lakror në saç.

Festa e lakrorit/ Ushqimi tradicional i Korçës vjen nga amviset e

Për të siguruar pjekjen në saç duhet të gjesh degë të thata të hardhive,se ato mbajnë flakë”, deklaroi një amvisë tjetër

Në Korçë, gatimi i lakrorit në saç është një traditë e hershme dhe sidomos në fshatra ajo ruhet ende, ndërsa prej vitesh është kthyer në një prej festave më të dashura lokale./ CNA