E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Koncert recital nga Tomi Kondakçi/ Miq dhe artdashës kalojnë një mbrëmje të veçantë në Korçë

16 Qershor 2024, 21:54, Qyteti im CNA

Koncert recital nga Tomi Kondakçi/ Miq dhe artdashës kalojnë

Tomi Kondakçi, burimi CNA

Një koncert recital si rallë herë ka mbërthyer qytetarët artdashës korçarë në teatrin “Andon Zako Çajupi”. Artisti Tomi Kondakçi shpalosi me zërin e tij të veçantë serenatat korçare, një pjesë të së cilave i këndoi me kitarën, instrumentin aq të dashur për të.

Entuziazmin e këtij recitali e tregoi më së miri salla e mbushur plot, ku publiku këndonte njëzëri bashkë më Tomi Kondakçin.

Publiku në koncert, burimi CNA

Ky i fundit tregon emocionet e shumta e ndër të tjera punën që u është dashur instrumentistëve dhe nxënësve, të cilët u bënë pjesë e një grupi për të sjellë një punë të bukur, e cila duket se pati sukses.

“Koha për të përgatitur koncertin ishte shumë e shkurtër. Të mendosh që për dy javë u ngrit i gjithë koncerti është punë e madhe. Merita është e të gjithë këtyre djemve dhe vajzave të shkollës së muzikës të grupit, që nuk më janë ndarë asnjë sekondë. Janë shkëputur nga punët e tyre ose nga mësimet. Të kënduarit me një kitarë siç këndojmë ne korçarët zakonisht, gjithnjë të le në një vijë të drejtë, ndërsa me një band prapa, atë që ti ke, e ke ëndërruar ta realizosh, e realizon. Një kitarë mbetet gjithnjë në kufirin e asaj serenatës së lehtë, ritmi s’të mbështet, ndërsa tani u ndjeva i plotësuar”, u shpreh ai.

Tomi Kondakçi, burimi CNA

Pjesë e recilatit kanë qënë të ftuar edhe dy artistë të njohur e mjaft të dashur për publikun, Ardian Trebicka dhe Bledi Polena.

Sipas Trebickës, ai ndihet i nderuar që është i ftuar në këtë koncert duke thënë se Tomi Kondakçi është një nga ata personazhe që Korçës i vijnë rrallë, një artist me vlera të mëdha i cili i ka dhënë jetë serenatës, duke e quajtur këtë koncert "Koncertin e jetës së Tomit".

Ardian Trebicka, burimi CNA

“Ishte një natë e një njeriu i cili ka kontribuar me shpirt përsa i përket serenatës korçare. Tomi Kondakçi është nga ata personazhe të cilët Korccës i vijnë rrallë. Është nga ato personazhe që jeton dhe këndon në këtë qytet. Korça e shpreh më së miri mirënjohjen për artin dhe sot u duk në këtë sallë që ishte plot e përplot. Unë personalisht mora emocione si rrallë herë sepse u ndjeva shumë i nderuar dhe do ta quaja koncertin e jetës së Tomit. Shpresoj që serenata korçare të vazhdojë në këto gjurmë”, deklaroi Trebicka.

Bledi Polena ka pasur një dhuratë të veçantë nga Kondakçi, i cili i ka dhuruar një këngë që pati kënaqesinë ta ndante edhe me publikun.

Bledi Polena, burimi CNA

“Mbrëmja ishte fantastike. Tomi ishte i mrekullueshëm. Unë e falenderova shumë për atë dhuratë aq të veçantë. Publiku foli vetë, gjithë mbrëmja ishte një magji. Ç’të thuash tjetër. Tomi, you are the best”, theksoi Polena.

Tomi Kondakçi është nga ata artistë të persekutuar, i cili u dënua e u burgos nga regjimi komunist. Në kërkim të lirisë për të realizuar ëndrën në muzikë, Tomi Kondakçi tentoi arratisjen duke rrezikuar edhe jetën. Liria e mohuar për të kënduar dhe luajtur kitarë në regjimin komunist duket se nuk e zbehu pasionin e artistit aq të pëlqyer nga korçarët./ CNA