Kolonia e piktorëve “pushton” Kolonjën/ Bëhen bashkë 20 artistë të huaj e shqiptarë

10 Maj 2024, 18:13, Qyteti im CNA

Kolonja po kthehet në një nga destinacionet e preferuara të vizitorëve, e më konkretisht të piktorëve të cilët në këtë zonë gjejnë peizazhe fantastike të natyrës. Një zonë që ofron pamje të mrekullueshme, me gjelbërim e me natyrën aq të bukur që frymëzon këta të fundit për të hedhur në telajo punime të ndryshme.

Më shumë se 20 piktorë shqiptarë e të huaj janë bashkuar në një koloni për të sjellë në punimet e tyre pranverën në Kolonjë. Për 4 ditë rrjesht, piktorë nga Kanadaja, Turqia, Peruja dhe vende të tjera të rajonit kanë përzgjedhur peizazhe të ndryshme të zonës, duke i sjellë në ekspozitën përmbyllëse.

Dy nga piktorët shqiptarë, Helidon Haliti dhe Fatmir Juka, kanë vlerësuar me nota mjaft pozitive peizazhet që ofron Kolonja, ndërsa thonë se ardhja e piktorëve të njohur është promovim i vlerave të kësaj zone.

Kolonia e piktorëve “pushton” Kolonjën/ Bëhen

"Kemi artistë që kanë ardhur nga Peruja, Kanadaja, Turqia, Maqedonia e artistët shqiptarë që këtu sapo shënuan një histori sepse gjetën një gjuhë të përbashkët. Një bukuri e jashtëzakonshme e natyrës që erdhëm si kolonizatore por na pushtoi ajo. Janë promovim për turizmin sepse këtu nis magjia, nëqoftëse shkon në një vend me fluks turistik ndihesh i tepërt por nëqoftëse vjen këtu, duhet ta ulimunosh, nga rruga e re fotografova një bari me dhenjte e veta, sepse kështu ka qenë, por tani shkurton kohën".

"Këtë vend ua ka bekuar Zoti, është i mrekullueshëm, këto takime janë të rëndësishme sepse njohin një Shqipëri që nuk e njohim, nuk njohim njëri tjetrin, nëqoftëse do lidheshin me tepër me vendin, do kishte më pak njerëz që nuk do e linin Shqipërinë".

Kolonia e piktorëve “pushton” Kolonjën/ Bëhen

Piktori nga Peruja, Jorge Corpuna, është mahnitur dhe tërhequr nga fusha e Kolonjës, me një punim të cilin e ka sjellë me ngjyra shumë të bukura që jo vetëm tregojnë aftësinë e tij profesionale si artist, por edhe bukuritë natyrore të Kolonjës.

"Është hera e parë në Shqipëri. Vend fantastik. Po kënaqem shumë këtu, njoha shumë artistë të mirë, të talentuar, bashkëpunues. Këtu u tërhoqa nga fusha e Kolonjës dhe po e shijoj në mënyrën time".

Piktori turk, Atanaur Dogan, ka realizuar me mjeshtëri portretin e heroit kombëtar Gjergj Kastrioti, duke nxjerrë në pah lidhjen e shqiptarëve me turqit. Ai thotë se vendosi të pikturonte një hero për të qenë edhe më i veçantë krahasuar me punimet që zgjodhën artistët e tjerë.

Kolonia e piktorëve “pushton” Kolonjën/ Bëhen

"Në fakt mund të pikturoja natyrën por këtu pashë njerëz heronj dhe vendosa të pikturoj një hero. Ne turqit kemi të përbashkëta me ju shqiptarët e dy njerëz që na bëjnë bashkë janë Skënderbeu dhe Ataturku. Vendosa të pikturoj Skënderbeun sepse pashë vërdallë nëpër Shqipëri por e këtu në Kolonjë se emri i tij përmendej shpesh dhe doja të përulesha ndaj kombit tuaj e popullit tuaj duke pikturuar atë që është e rëndësishme për ju, ndaj pikturova Skënderbeun".

Çdo vit e më tepër Kolonja tërheq në zonë piktorë të shumtë të cilët organizojnë koloni dhe që bën bashkë artistë shqiptarë e të huaj. Krahas kolonisë së piktorëve të vegjël, Kolonja po jep shumë vëmendje edhe në kolonitë e pranverës dhe vjeshtës me qëllimin për ta kthyer në një traditë të zonës./ CNA

Kolonia e piktorëve “pushton” Kolonjën/ Bëhen