web counter
LEXO PA REKLAMA!

SHKARKO APP

App Store
Google Play

E fundit!

x

Kapet korani 13.2 kg/ Peshkatari: Më i madhi që ka dale në liqenin e Ohrit

19 Prill 2024, 21:18, Qyteti im CNA
Kapet korani 13.2 kg/ Peshkatari: Më i madhi që ka dale në
Korani 13.2 kg

Një peshkatar i zonës së Udënishtit në Pogradec ka arritur të kapë në ujërat e liqenit të Ohrit një peshk koran që peshonte më tepër se 13 kg. Një ngjarje e rrallë kjo, pasi është hera e parë që bie në rrjetë një koran me këtë peshë.

Prej vitesh, Ylli Jaçellari ushtron aktivitetin e peshkimit artizanal në liqen por kurrë nuk ka arritur të nxjerrë nga liqeni një peshk me këtë peshë.

Kapet korani 13.2 kg/ Peshkatari: Më i madhi që ka dale në

Ai tregon se kur ka parë peshkun, nuk ka qenë i bindur nëse do ishte koran kaq i madh por e ka parë vetëm kur ka dalë në sipërfaqe.

"13 kg e 200 gram, ky është më i madhi dhe për momentin është më i madhi që ka dalë në liqenin e Ohrit.

Duke tërhequr rrjetat shoh diçka të madhe por nuk isha i bindur që ishte peshk koran aq i madh. Vetëm kur ka dalë në sipërfaqe të ujit, atëherë e kam parë që ishte koran dhe ishte risku im që arrita e futa në varkë”, tha peshkatari.

45 vjeçari thotë se korani nuk ka tentuar të ikë dhe e konsideron si fatin e tij këtë kapje të rrallë në liqen. Pesha më e madhe që kanë kapur gjatë viteve të aktivitetit ka arritur deri në 9 kg, ndërsa ishte e pabesueshme që korani peshonte 13.2 kg.

Kapet korani 13.2 kg/ Peshkatari: Më i madhi që ka dale në

“Nuk tentoi të ikte fare, nuk e di por ishte fati im që duhet të hynte në varkë. 8 kg dhe 9 kg kemi zënë por deri në 13 kg jo. Me këtë lloj gjuetie që bëjmë ne, ndoshta me një lloj tjetër me rrjeta më të trasha edhe mundet. Ishte 300 metra larg bregut, këtu në zonën e Udënishtit”, tregoi peshkatari.

Jaçellari thotë se peshkun e shiti për një vlerë rreth 200 mijë lek të vjetra duke treguar edhe epitetin që ka ky lloj korani në gjuhën e peshkatarëve.

“Me këtë lloj gjuetie që bëjmë ne, ndoshta me një lloj tjetër me rrjeta më të trasha edhe mundet. Ishte 300 metra larg bregut, këtu në zonën e Udënishtit. Peshku u shit rreth 200 mijë lek dhe është për 15 veta, persona që të konsumojnë. Në gjuhën e peshkatarëve këtij peshku i themi pllashicare dhe ky lloj korani pllashicare nuk shton, s'është si korani tjetër që janë femrat që shtojnë”, ka thënë peshkatari.

Për peshkatarët e zonës së Pogradecit, rasti i koranit 13.2 kg është i pari që u regjistrua ditën e djeshme në ujërat e liqenit të Ohrit./ CNA





Lajmet e fundit nga