web counter
LEXO PA REKLAMA!

SHKARKO APP

App Store
Google Play

E fundit!

x

Sportet ujore ekstreme/ Ilirian Tasellari rrëfen për CNA TV pasionin e tij

22 Janar 2024, 23:00, Qyteti im CNA
Sportet ujore ekstreme/ Ilirian Tasellari rrëfen për CNA TV pasionin e
Ilirjan Tasellari

Ilirjan Tasellari, prej vitit 1998 nuk i ndahet pasionit për sportet ujore. Shkak është bërë një sekuencë filmike e parë në televizion të huaj, në vitet e diktaturës. Kaq është dashur që pas emigrimit në shtëtin italian, Ilirjani të zhvillojë pasionin e fshehur për kite surfing dhe ëind surfing, të njohura aq shumë në botë si sporte ekstreme ujore. Cna Tv ka zhvilluar një intervistë shumë interesante me sportistin i cili tregon të veçanta e detaje nga me tepër se 25 vite praktikant të sporteve ujore.

"I përket fëmijërisë të hershme. Një filmim që shikoja normal nga filmimet e televizioneve të huaja, e pashë për herë të parë dhe ngelem i shtangur në ato sekuenca filmike. Ngeli si një ëndërr në sirtar, për të qënë dhe unë në atë lloj sporti. Kontaktin e parë e para kur shkova në Itali, ndalova atje dhe gjeta vendin ku zhvillohej ai sport, Lago del Garda, dhe qyteti quhen Riva del Garda, qëndrova atje për këtë sport. Ky ishte kontakti im i parë."

Lidhja e tij me këtë lloj sporti është aq e veçantë dhe e pashmangshme për Ilirjanin. I rritur pranë liqenit dhe natyrës së Pogradecit, ajo e afruar shpirtërisht me sportin që ai praktikon, ndërsa shprehet se në këtë sport është vetëm ai dhe natyra.

"Normale është një sport që ka lidhje shumë me natyrën, kondicionohet nga kushtet atmosferike dhe kjo lidhje të bën që ta shijosh natyrën, dhe ta jetosh maksimalisht përjetimin e saj. Aty je ti dhe natyra."

Sportet ujore të konsideruara si ekstreme e të vështira, kanë një sërë veçorish që duhen respektuar dhe ndjekur me rigorozitet në mënyrë që të shmangen incidentet, si për profesionistët ashtu edhe amatorët. Krahas këshillave që jep Ilirjani mbi gjërat që duhen patur parasysh në kite surfing dhe ëind surfing, ai thotë se kanë ndodhur edhe aksidente të vogla por që tashmë janë bërë pjesë e jetes së tij sportive.

"Si çdo lloj sporti, nuk është se ka vështirësi, është sport i lehtë. Për një që është i apasionuar dhe e kërkon, e mëson shumë lehtë por kryesorja është që duhen respektuar limitet dhe kushtet meteorologjike. Në rradhë të parë duhet të kemi parasysh sigurinë, pasi çdo lloj sporti nëse nuk respekton limitet, atëherë do dëmtohesh. Për të evituar dëmtimin duhet të respektosh intensitetin e erës, peripecitë si rrufetë, koha e vrenjtur, telat e tensionit, rruga apo njerëzit e tjerë nëpër plazhe të populluar."

"Për fat të mirë ndaj të tjerëve jo, por ndaj vetes po. Si çdo lloj sporti ka dhe aksidente por ngelen gjëra sekondare dhe nuk na krijojnë probleme, janë bërë pjesë e këtij lloj sporti."

Ta zhvillosh këtë lloj sporti në grup është kënaqësi më vete për Ilirjanin. Ndonëse është një sport solitar, bëhet akoma më i këndshëm kur bashkohen disa të apasionuar. Në Shqipëri ky lloj sporti është mjaft i zhvilluar viteve të fundit, por fatin më të madh Ilirjani e ka patur në Itali, në një aktivitet ku janë mbledhur të gjithë kampionët e botës.

"Edhe pse është një sport solitar, që ti e bën vetë, kthehet në diçka më e bukur kur kthehet në komunitet ose grup. Gjithsesi ngelet prapë i bukur edhe vetë, me vitet që kalojnë edhe njerëzit ndryshojnë. Ka të rinj që e kanë përqafuar, dhe më bëhet qejfi që kemi shokë e miq sidomos në Durrës, Darëzezë, Vlorë që e praktikojnë. Por në Pogradec si një vend që nuk e favorizon shumë këtë lloj sporti, se nuk është shumë me erë, prapë interesi i të rinjve duket."

"Tek qyteti ku unë ndodhesha, ishte një qytet që bëhej një nga etapat e Kupës së Botës, në ëindsurf freestyle. Dhe fati ishte që atje shikonim kampionët e botës që vinin dhe vendi është me emër, quhej Meka e Ëindsurf-it në Itali. Aktivitetet ishin të shumta, ne nuk pretendonim të ishim me kampionët e botës por në aspektin tonë amator kërkonim ti ndiqnim. Fati i mirë ishte që rrinim me ta dhe bënim surf me ta."

Në mbyllje të intervistës, e pyesim Ilirjanin për të ardhmen. A do të vazhdojë ai pasionin e tij, deri kur e ka menduar ta ndjekë këtë sport?

"Kemi shumë ëndrra por për sportin doja të isha dhe njëherë i ri. Rinia shkon me këtë sport dhe ato që kemi kaluar kanë qenë të këndshme sepse mund të ishim edhe më pretendues. Ky sport praktikohet nga një gamë e gjerë e moshave, nga fëmijë deri 80 vjeç. Nëse do shkoj 80 vjeç do ta praktikoj. Djemtë e mi, është ajo që themi që genetika nuk të fal, dashur pa dashur dhe ata e kanë qejf dhe e praktikojnë."

Ilirjan Tasellari është shembulli i një njeriu i cili realizon ëndrrat, dëshirat dhe pasionin, pavarësisht se sot është 55 vjeç, ngelet po aq i ri sa dikur. Ky është një shembull që duhet të ndiqet nga të rinjtë shqiptarë dhe veçanërisht të rinjtë e qytetit të Pogradecit. Tasellari është i vetmi pogradecar i cili praktikon kite surfing dhe Windsurfing./ CNA





Lajmet e fundit nga