web counter
LEXO PA REKLAMA!

SHKARKO APP

App Store
Google Play

Karnavalet e Pojanit/ Tradita pagane mijëvjeçare

8 Janar 2024, 11:01, Qyteti im CNA

Karnavalet e Pojanit/ Tradita pagane mijëvjeçare

Një traditë e hershme dhe tëpër e veçantë janë Karnavalet e Pojanit, ndryshe e quajtur "Riti i Rrugeçërve". Ky rit pagan mijëravjeçar i ruajtur në këtë zonë zhvillohet çdo 7 janar, një ditë pas kremtimit të Ujit të Bekuar.

Kjo traditë u ndërpre në vitin 1968 pas prishjeve të objekteve të kultit e për t'u rikthyer sërish në vitet '90.

Sipas organizatorit Klajdi Lulollari prej 4 vitesh Shoqata Atdhetare Kulturore Pojani në bashkëpunim me Shoqatën Kulturore Karnavalet Ilirie të Bozofcës në Malësinë e Sharrit kanë firmosur një marrëveshje që në të ardhmen për të zgjeruar bashkëpunimet për të zhvilluar turizmin kulturor.

Personazhet e këtij riti janë: Nusja, Dhëndri, Plaka, Plaku, Ariu, Markoja të cilët mbajnë në dorë këmborat si mesazh i përcjelljes së mirësisë.

Neshat Mehmedi, kryetari i Shoqatës së Karnavaleve Tetovë, ka ardhur për vit të dytë në Pojan. Ai tregon ritualet pothuajse të njëjta të karnavaleve. Qëllimi i këtij riti sipas Mehmedit është ringjallja e kujtesës duke na çuar te rrënjët tona, iliro-pellazge. Sipas tij mbështetje duhet të ketë edhe nga institucionet për zhvillimin e tyre.

Karnavali mblodhi në qëndrën e fshatit banorë të zonës ku rrugeçërit me pas drejtoheshin në çdo banesë për të larguar të keqen. Kostumet e frikshme ruhen brez pas brezi nga vetë banorët dhe janë të përgatitura kryesisht me lëkurë kafshësh, por ka edhe kostume të cilat janë përgatitur vetë nga të rinjtë të cilët janë pjesë e këtij riti pagan çdo vit. Këto festime në mënyrë simbolike largojnë të keqen dhe frikën dhe ironizojnë aktualitetin ku jetojmë./ CNA





Lajmet e fundit nga