web counter
LEXO PA REKLAMA!

SHKARKO APP

App Store
Google Play

Festat e nëntorit/ Fëmijët e Kolonjës, paradë në sheshin “Rilindja”

24 Nëntor 2023, 10:05, Qyteti im CNA

Festat e nëntorit/ Fëmijët e Kolonjës, paradë në

Në kuadër të festave të nëntorit, fëmijë të kopshteve dhe shkollave të qytetit të Ersekës janë veshur kuq e zi duke marshuar në një paradë të veçantë në sheshin "Rilindja" para Bashkisë së Kolonjës.

Një organizim mjaft i veçantë që ka tërhequr vëmendjen e kolonjarëve. Vetë vogëlushët përmes një fjale, kanë treguar dashurinë për vendin e tyre.

"Unë e dua flamurin"

"Unë e dua Shqipërinë"

"Gëzuar festën e Shqipërisë"

Për nënkryetaren e Bashkisë Kolonjë, Ristana Gjergo, ky organizim ka sjellë nota festive dhe një frymë ndryshe për qytetarët kolonjarë, të cilët kanë parë fëmijët e tyre të vishen kuq e zi, dhe gjithashtu ka krijuar një ndjenjë krenarie për origjinën e brezave të rinj.

"Jam shumë krenare të shikoj entuziazmin e brezave të rinj që janë njëkohësisht krenarë për origjinën e tyre. Aq më tepër në këtë shesh të 'Rilindjes' po shoh një atmosferë fantastike të transmetuar nëpërmjet përkushtimit të mësuesve të shkollës 'Petro Nini Luarasi', Papa Kristo Negovani, arsimit parashkollor gjithashtu, por patjetër edhe ndikimi i Drejtorisë së Zhvillimit të Fëmijëve, Qendrës Kulturore të fëmijëve ka dhënë këtë kontribut të jashtëzakonshëm që po mahnit dhe ka mbledhur këtu gjithë qytetin. Festat kombëtare kanë startuar tashmë, ky është vetëm fillimi, gjithashtu kemi elementë të veçantë që do të transmetohen jo vetëm në shkolla, por edhe në hapësirat mësimore të Bashkisë Kolonjë", tha Gjergo.

Ky është një nga aktivitetet që ka çelur siparin e organizimeve të shumta për festat e 28-29 Nëntorit që do të organizohen në Kolonjë./ CNA





Lajmet e fundit nga