web counter
LEXO PA REKLAMA!

SHKARKO APP

App Store
Google Play

E fundit!

x

Festa e verës/ Tradita e hershme e Pogradecit dhe të veçantat e saj

21 Tetor 2023, 13:47, Qyteti im CNA

Festa e verës/ Tradita e hershme e Pogradecit dhe të veçantat e

Pogradecarët i hapën butet me verën e re. Shijes së verës i është shtuar edhe ajo e gështenjave, për të cilat Pogradeci është i njohur.

Të dyja këto produkte të traditës, me të cilat një pjesë e banorëve kanë të lidhur edhe ekonominë familjare, promovohen çdo vjeshtë nga Bashkia e Pogradecit.

Në qytetin liqenor dhe deri në zonat më të largëta të bashkisë, janë të shumta familjet që kultivojnë rrush dhe prodhojnë verë në mënyrë artizanale, për të cilën tregu është i sigurt.

"Procesi i bërjes së verës fillon me shtypjen e rrushit, më pas duhet një farë kohe sepse fillimisht lëngu i rrushit quhet musht, dhe ska përqindje të madhe alkooli, por ka përqindje të lartë sheqeri. Për rreth 40 ditë bie niveli i sheqerit dhe fillon fermentimi që kthehet nga musht në verë. Më pas ndahet lëngu më vete dhe mbetjet hiqen mënjanë që mos japin shije të keqe", u shpreh një prodhues artizanal i verës.

Për prodhuesit e vegjël të verës mbeten të preferuara varitetet e rrushit vendas, i cili bashk? me mënyrën e vjetër të përpunimit të rrushit,garantojnë cilësinë e produktit.

"Përdorim rrush autokton, por kemi edhe variatete të tjera që janë të huaja. E kemi patur traditë familjare prej vitesh. Më parë prodhonim shumë sepse tani ka rënë rendimenti", tha një tjetër.

Vera pogradecare vjen me shijen e traditës së hershme e cila ruhet dhe përcillet ndër breza, duke i shtuar një tjetër element identifikues Pogradecit.

"Për sa i përket historikut të prodhimit të verës në Pogradec, është një traditë mjaft e lashtë. Pogradecarët janë dalluar për prodhimin e verës, pasi çdo familje pogradecare ka butin e vet në qilarin e saj. Kështu që në këtë ditë ne hapim butet, festojmë së bashku, trokasim gotat dhe i ftojmë të gjithë të festojnë me ne. Dua të përmend që në simbolet e vreshtave dhe rrushit gjejmë mozaiket e Linit, po ashtu dhe nëpër fotot e vjetra që tregojnë vreshtat e ndryshëm sidomos në zonën e Kalasë",tha historiani Ledjan Zeqollari. 

Festa e verës,ku janë prezantuar produktet e 27 prodhuesve artizanale dhe kantinave të vendit, do të mbyllet me ndarjen e çmimeve për verën më të mirë./CNA





Lajmet e fundit nga