web counter
LEXO PA REKLAMA!

SHKARKO APP

App Store
Google Play

Serenatat korçare/ Të rinjtë që mbajnë gjallë traditën

31 Korrik 2023, 22:17, Qyteti im CNA

Serenatat korçare/ Të rinjtë që mbajnë gjallë

Korça njihet jo vetëm për kulturën e traditën, por edhe për serenatat e bukura që e bëjnë qytetin aq të preferuar. Serenatat korçare të kënduara vite më parë, edhe sot e kësaj dite po mbahen gjallë nga të rinjtë. Saimir Poda dhe Daniel Shaholli janë dy të rinj korçarë, të cilët muzikën e kanë pjesë të pandashme të vetes, e për këtë shkak, i gjejmë çdo natë në Saiko Bar të pazari i vjetër i Korçës.

Pasioni për kitarën dhe muzikën për të dy të rinjtë ka nisur që në vogëli, ndonëse me profesione ndryshe, ata sërisht nuk heqin dorë nga kënga.

Saimir Poda tregon fillimet e tij në muzikë, ku vite më parë bashkë me shokët e tij, filluan të dëgjonin banda të ndryshme muzikore me kasetat e viteve 1997-1998.

Edhe Daniel Shaholli e ka filluar karrierën e tij në muzikë duke organizuar karaoke, ndonëse me profesion infermier, e sot është pjesë e grupit të krijuar bashkë me Saimirin.

Të luash muzikë nuk është aq e thjeshtë, thonë të rinjtë, pasi çdo këngëtar qoftë profesionist apo amator, ka pergjegjësi ndaj publikut, pa harruar edhe kënaqësinë që i fal ky i fundit.

Grupi i djemve korçarë, së bashku me dy vajza shumë të talentuara, kanë sjellë një risi për Korçën, jo vetëm duke kënduar serenata por të gjitha rrymat muzikore që u përshtaten barit ku ata performojnë çdo fundjavë.

CNA po ju le të shijoni disa nga momentet e performancës së grupit në Saiko Bar./ CNA.al





Lajmet e fundit nga