web counter
LEXO PA REKLAMA!

SHKARKO APP

App Store
Google Play

E fundit!

x

Mirëmbajtja e Kishës së Shën Thanasit/ Banorët dhe Bashkia e Pustevit bëhen bashkë

24 Tetor 2022, 08:21, Qyteti im CNA

Mirëmbajtja e Kishës së Shën Thanasit/ Banorët dhe

Kisha e Shën Thanasit në Bashkin Pustec, në një lartesi prej 855 m mbi nivelin e detit, është një qendër e rëndësishme jo vetëm fetare, por edhe e peligrinazhit për banorët e fshatit të vjetër.

Rreth kishës shtrihej fshati i vjetër ku rrënojat e shtëpive dalin në dritë nga ujërat e liqenit të Prespës së Madhe pas tërheqjes së liqenit në vitet '80-'90.

Kisha u ndërtua si institucion shpirtëror dhe mori pamjen e plotë, të bukur dhe përfundimtare në vitin 1720.

Mirëmbajtja e Kishës së Shën Thanasit/ Banorët dhe

Pas vitit 1967 me politikën komuniste për një Shqipëri ateiste, fatkeqësisht edhe kisha e Shën Thanasit nuk i shpëtoi shkatërrimit. U prish çatia, muret, ikonat, afresket, ndërsa mbetën vetëm rrënojat e mureve rreth një metër të lartë. Kisha jo vetëm u rrënua, por edhe u harrua.

Mirëmbajtja e Kishës së Shën Thanasit/ Banorët dhe

Pas vitit 1990, një grup të rinjsh nga fshati që ishin emigrantë në SHBA dhe Kanada u kthyen dhe investuan për ringritjen e kishës sipas stilit të mëparshëm. Fshati ndihmoi duke ju sjellë ndërtuesve drekë falas. U punua me dëshirë, durim dhe përkushtim. 

Kisha çdo ditë po rilindte, po merrte pamjen e mëparshme si edhe vlerën e saj. Tani e tutje ajo e përshëndet Pustecin jo si qendër të tij, por përballë tij e stolisur dhe e qëndisur si asnjëherë më parë.

Shën Thanasi vizitohet nga banorët e zonës, Shqipërisë dhe të huaj në çdo periudhë të vitit. Si festë të kishës, festohen dy herë në vit, në 15 maj dhe në 30 janar.

Mirëmbajtja e Kishës së Shën Thanasit/ Banorët dhe

Bashkia Pustec dhe kryetari Pali Kolefski, për të respektuar kishën e Shën Thanasit për historinë, vlerën, ndikimin në komunitet, kanë bërë përpjekje për të zbukuruar e zgjeruar mjedisin para kishës.

Që në vitin 2019 tërhoqi ndihma në ide dhe investime të vogla të emigrantëve të Prespës në SHBA-Kanada. Kështu filloi ndërtimi i sheshit para kishës, ndërtimi i mureve mbajtëse dhe dekorative.

Mirëmbajtja e Kishës së Shën Thanasit/ Banorët dhe

Ndërsa një grup të rinjsh dhe banorë të Pustecit kanë mbledhur lekë për të përfunduar sheshin dhe muret poshtë kishës.

Këto para u përdorën për materialet e ndërtimit, ndërsa punonjësit e bashkisë kanë bërë punën.

Kisha ka marrë tipare të reja, ndërsa pritet që puna të përfundojë brenda disa ditëve.

Panorama të jep pershtypjen e një kishe alpine, rrëzë shkëmbinjve dhe sheshi para saj do të shërbejë si grumbullim i njerëzve për festa dhe argëtim./CNA.al





Lajmet e fundit nga