Një nga turet më prestigjioze në Europë/ Motoristët nga 31 vende të botës zbresin në Kolonjë

8 Shtator 2022, 13:06, Qyteti im CNA

Një nga turet më prestigjioze në Europë/ Motoristët nga

Foto ilustruese

Një nga turet me prestigjioze të motorëve në botë është duke u mbajtur për herë të parë në Europë, e pikërisht në Shqipëri. Motoristë nga 31 vende të botës janë duke udhëtuar me dyrrotakët e kompanisë "BMW" në disa prej shtigjeve të vështira shqiptare, ku ditët e fundit janë ndaluar edhe në Kolonjë. Ata tregojnë emocionet e marra nga kjo zonë, teksa tregojnë se do të rikthehen përsëri si turistë, pasi ndihen të mahnitur me mikpritjen shqiptare.

CNA.al sjell përshtypjet e disa prej pjesëmarrësve, të cilët e konsiderojnë një organizim mjaft të veçantë, me vendet e bukura që i ofron Kolonja.

"Vijmë nga India, po kënaqemi shumë. Koha është e mirë ndërkohë që në Shqipëri më mahnit mikpritja e njerëzve dhe ushqimi. Këtu në Kolonjë pamja është e mrekullueshme. Ky vend është shumë i bukur dhe do kthehem përsëri patjetër. Hera e parë por jo e fundit. Ushqimi, njerëzit, rrugët e thjeshta, ndihem i bekuar që do kaloj 7 ditë këtu."

"Jam pjesë e skuadrës së Holandës, këtu është vend fantastik, po kënaqemi shumë, dita e 4-t që ecim me motorë nëpër Shqipëri, me pëlqen terreni këtu. Hera e parë që vij, patjetër që do kthehem. Vendi është fantastik dhe shumë rrugë me të bukura sesa vendi ynë. Njerëzit janë miqësorë dhe ushqimi është shumë i shijshëm."

Organizatori i eventit tregon se ata zgjodhën Shqipërinë për shkak se është një vend i paprekur dhe ka bukuri natyrore të padëmtuara.

"Jemi të lumtur që po mbajmë këtë aktivitet në Shqipëri, hera e parë që jemi në Europë, zgjodhëm Shqipërinë. Vend shumë i bukur për motoristët, njerëz nga e gjithë bota kanë ardhur këtu, nga 31 vende të cilët janë mahnitur nga Kolonja dhe Shqipëria. Gjëja që me pëlqeu me tepër në Kolonjë është zyra e kryetarit të bashkisë" – thotë Ralf Rodepeter.

Kryetari i Bashkisë Kolonjë, Erion Isai, tregon se është privilegj për të pritur një garë prestigjioze si kjo, ndërkohë që kërkon që turizmi të jetë çelësi i ekonomisë së bashkisë qe ai drejton. Gjatë ditës, organizatorët e eventit dhuruan 2000 fidanë pisha për Kolonjën.

Një nga turet më prestigjioze në Europë/ Motoristët nga

“Për ne është një kënaqësi e madhe që një garë prestigjioze të zhvillohet në Shqipëri dhe specifikisht në Kolonjë. Jam shumë i lumtur që kanë zgjedhur vendin tonë pasi jemi të gjithë bashkë në aspektin turistik. Në Kolonjë po qëndrojnë dy ditë, shpresoj që atë që na ka bekuar zoti si natyra, t'i rritim sa më shumë që turizmi të ndihet në cdo familje. Pyjet e Kolonjës që janë një pasuri e madhe, do të zgjerohen, dhe i falënderoj garuesit për fidanët e dhuruar për ne.” – shprehet Isai.