web counter
LEXO PA REKLAMA!

SHKARKO APP

App Store
Google Play

E fundit!

x

40 vite në dedikim të artit/ Ekspozohen 101 punime në gravurë të piktorit Anastas Konstandini

19 Gusht 2022, 14:24, Qyteti im CNA
40 vite në dedikim të artit/ Ekspozohen 101 punime në
Anastas Kostandini

Anastas Kostandini, i njohur si piktori Taso, në qytetin e tij të lindjes dhe banimit, Pogradecin, prej me shumë se 40 vitesh vijon pasionin e tij, pa u shkëputur asnjë ditë. Taso ka një filozofi të vetën. Të shndërrojë në art jetën që bën dhe jetën që e rrethon, qoftë kjo edhe në një qytet të vogël provincial, ku jeta nuk të ofron shumë mundësi, por që kurrsesi nuk i mungojnë ngjyrat, frymëzimet, emrat e mëdhenj të letërsisë si Lasgushi apo Kuteli, por edhe gjërat e zymta. Pasioni vazhdon t’i japë frymëzim dhe energji për të vazhduar artin e tij, pasi koha ka treguar që një vend identifikohet shumë më mirë dhe më bukur nga arti sesa nga ndërtimet dhe turizmi që ofron.

Pas shumë viteve karrierë, Taso ka sjellë për herë të parë një ekspozitë në gravura. 101 të tilla janë ekspozuar ne galerinë e Pogradecit duke sjellë peisazhet e Pogradecit të vjetër, liqenit, natyrës dhe përditshmërisë. Piktori i mirënjohur për stilin e tij unik nga mënyra se si luan me ngjyrat dhe objektet mes emocionesh tregon se nuk mund të linte pa ekspozuar këto grafika, ndërsa gjithçka që ai sjell e ka një mesazh kritik nga ai.

40 vite në dedikim të artit/ Ekspozohen 101 punime në

“Kam 40 vjet që punoj dhe vendosa që një pjesë të mirë të punëve të mia t'i mbledh në këtë ekspozitë që e sjell për herë të parë. Shumë njerëz më njohin si një grafist, ndërkohë që ambicia ime është piktura dhe ende nuk e kam shfaqur mjaftueshëm. Po bindem që duhet të vazhdoj të jem i dyzuar, mes pikturës dhe grafistit. Kjo ekspozitë ka të bëjë me ndjeshmëritë e mia ndaj vendlindjes dhe qyteteve të tjera. Mesazhi im është që edhe një vend i vogël mund të jetë një argument për të bërë art. Gjëja më e bukur për mua është rezistenca materiale, kur ti gdhend dhe incizon në një pllakë druri, ajo krijon diçka mistike. Është befasia që i bëhet edhe vetë artistit. Kjo është një gjini shumë e rëndësishme e arteve vizuale, një nga artet më të dashura. Unë merrem me grafikën lirike, e ndoshta ato e tregojnë hapur një ekuilibër dhe një qëndrueshmëri në harkun kohor 40-vjeçar. Unë jam një njeri shumë kritik në vetvete, më dhimbset shumë qyteti im, jam dëshmitar i një qyteti ku gjithçka ka ndryshuar, mbase edhe jo për mirë. Dua shumë ta pikturoj qytetin ballë për ballë. Këtë mundohem ta gjej te rrugicat e qytetit, duke u frymëzuar çdo ditë e më tepër, duke premtuar se nuk do të rresht së pikturuari atë që duket, por edhe atë që nuk duket.” – tregon Taso.

40 vite në dedikim të artit/ Ekspozohen 101 punime në

Janë të panumërt ata që e adhurojnë artin e Tasos dhe mënyrën se si ai i sjell punimet në ekspozita çfarë e bën artdashësin të "ngulet" para tyre. Akademiku Luan Topçiu ka shprehur ndjesitë e tij lidhur me artin e Tasos dhe çka ai ka sjellë për vizitorët.

 “Unë mendoj se ekspozita nxjerr në pah pjesën më të mirë të krijimtarisë së Tasos. Ai është një vizatues i lindur, një njeri që e do vizatimin, dhe është mënyra e tij e jetesës. Këtë herë ai vjen me një ekspozitë retrospektive të krijimtarisë së tij më tepër së 10-vjeçare. Është jashtëzakonisht profesionale, dinjitoze dhe me qëllim shfaqjen e qyteteve, poetikës së jetës në provincë, jetës së mbyllur dhe asaj familjare, me të gjitha anët e saj. Taso është një autor që na sjell më pranë disa momente të jetës intime, sigurisht edhe me përmbajtje historike e me qytete me vlera të trashëgimisë kulturore. Ai i vizaton në mënyrën e tij, duke transmetuar emocione dhe një mënyrë personale të vështrimit të botës. Është një nga ekspozitat më të mira të tij, në një vepër arti ka rëndësi cilësia, çka e shoh në këtë ekspozitë të Anastas Kostandinit.” – shprehet Topçiu.

40 vite në dedikim të artit/ Ekspozohen 101 punime në

101 gravurat e ekspozuara nuk janë një përzgjedhje rastësore e artistit por një pjesë e tyre, pasi me qindra të tjera do të vijnë në kohë dhe vende të ndryshme nga Taso./CNA.al

 

 





Lajmet e fundit nga