Pogradec, zhvillohet për herë të parë maratona Ndërkombëtare e Atletikës/ Organizatorët: Do e kthejmë në traditë

6 Gusht 2022, 17:22, Qyteti im CNA

Pogradec, zhvillohet për herë të parë maratona

Në Pogradec është zhvilluar për herë të parë një Maratonë Ndërkombëtare e certifikuar nga Federata Botërore e Atletikës, maratonë e cila ka sjellë në qytetin liqenor më shumë se 600 atletë nga 37 vende të Europës.

Organizatorët kanë zhvilluar dy gara, 10 dhe 21 kilometra, gara të cilat krahas sportistëve profesionistë të këtyre disiplinave kanë përfshirë jo vetëm sportistët amatorë, por edhe turistë vendas e të huaj, të cilët po kalojnë pushimet në Pogradec.

Gara e 21 kilomterave Lin - Pogradec është dominuar nga atleti i njohur kosovar Tiron Mamushaj si dhe korçari Ilir Këllezi, por në finish i pari ka mbërritur kosovari i njohur në garat e maratonave ndërkohë, ndërsa Këllezi ka ardhur i dyti.

Pogradec, zhvillohet për herë të parë maratona

Ka qenë një garë e bukur me një organizim të jashtëzakonshëm ka deklaruar pas garës kosovari Mamushaj.

“Ka qenë garë shumë e bukur, dhe kemi ardhur prej qytetit të Gjakovës. Vazhdova me ritëm të njëjtë me garuesit në fillim, më pas në kilometrin e dytë jam shkëputur dhe kam vazhduar me ritmin tim. Nga ana psikologjike dukej si një garë e lodhshme por ja dola. Vapa ka ndikuar së tepërmi, por jam i kënaqur me organizimin pasi ska patur makina në rrugë dhe ajri ishte shumë i pastër.”

Edhe gara e 10 kilometrave ka pasur fituese kosovaren Greca Bakoshi, e cila pasi ka vrapuar vetem pak dite me parë në një maratonë në SHBA ka ardhur për të bërë të njëjtën gjë në garën ndërkombëtare të Pogradecit, garë e cila i ka shërbyer edhe për përgatitjet e saj për Kampionatin Europian.

“Mendova t'i bashkohësha kësaj gare më shumë për kënaqësi, pasi po përgatitem për Kampionatin Europian. Kërkoja ta mbyllja programin duke plotësuar edhe këto kilometra. Vij me shumë dëshirë në Shqipëri, dy ditë më parë isha në Amerikë. Më pas u ktheva në Kosovë, e tashmë jam në Shqipëri, dhe ndjej një kënaqësi që ta japin vetëm shqiptarët. Mundohem ta shijoj gjithmonë pjesëmarrjen në gara, dhe po ashtu më pëlqen të jem bashkë me elitën dhe amatorë gjithashtu. Emocionet janë të mëdha.”

Pogradec, zhvillohet për herë të parë maratona

Atletja e madhe shqiptare Pavlina Evro ka qënë ajo që i ka dhënë startin kësaj maratone dhe pas përfundimit të maratonës nuk i ka fshehur emocionet që ka përjetuar.

“Padyshim që ndjej shumë emocione dhe gëzim. Këtë e tregon vetë pjesëmarrja e vrapuesve. Do të ishte kënaqësi që unë të vrapoja midis tyre, por ishte një ndjesi e veçantë që të jepja startin e maratonës. Një falënderim i veçantë shkon për kryetarin e Bashkisë së Pogradecit dhe presidentit të shoqatës që bënë të mundur zhvillimin e maratonës.”

Pogradec, zhvillohet për herë të parë maratona

Ervin Leka ka ardhur nga kryeqyteti me bashkeshorten dhe dy fëmijët e tij të vegjël dhe kanë vendosur ti bëhen pjesë e Maratonës 21 kilometra. Leka gjithë distancën e ka përshkruar duke pasur me vete në karrocë edhe 2 vogëlushët. Finishi i tij ka qenë shume emocionues për të pranishmit e shumtë.

“Sakrifica ishte që unë bashkë me bashkëshorten morëm të dy pjesë në garë dhe nuk kishim ku t'i linim fëmijët, ndaj vendosëm t'i merrnim me vete. Mundohemi që t'u japim atyre frymën e sportit, pasi askush nuk na e dha ne në vegjëli. Tani që mbarova ishte shumë e lehtë, 10 metrat e fundit ishin të vështira. Vullneti na shtyu para, duke parë e shokët që na prisnin në finish.”

Pogradec, zhvillohet për herë të parë maratona

Maratona e Pogradecit pas certifikimit nga Federata Botërore e Atletikës do të organizohet si e përvitshme në qytetin liqenor./CNA.al

 

 

Lajmet e fundit nga