"Vallja e Yjeve", festivali i muzikës klasike dhe letërsisë lasgushiane

31 Korrik 2022, 15:21, Qyteti im CNA

"Vallja e Yjeve", festivali i muzikës klasike dhe

Pamje nga festivali, "Vallja e Yjeve"

Qyteti i Pogradecit për katër netë radhazi do të mbledhë në shesh banorët e tij, por edhe shumë të tjerë nga qytete të Shqipërisë. Letërsi lasgushiane dhe muzikë klasike, kjo do të jetë kryefjala e çdo mbrëmjeje. Ky aktivitet ka bërë bashkë artistë nga Shqipëria, të cilët do të performojnë në “Vallja e Yjeve”.

Eritan Kamolli është violinist i njohur shqiptar, i cili është bërë pjesë e festivalit, ndërsa tregon të veçantat e këtij aktiviteti dhe ndjesitë që ai ka përjetuar në këtë organizim.

"Vallja e Yjeve", festivali i muzikës klasike dhe

“Ky festival do të zhvillohet për katër netë në qytetin e Pogradecit dhe do të ketë një larmi aktivitetesh duke filluar me koncertin me muzikë klasike nga pianistja e mirënjohur Dhurata Lazo, e cila erdhi ekskluzivisht për këtë festival. Në vijim do të ketë sërish mbrëmje me muzikë klasike të ndërthurrur më atë moderne, pasi ky festival është projektuar i tillë. Ne si grup organizatorësh kishim si qëllim evidentimin e poezive më të bukura të Lasgushit dhe duke e ndërthurrur me muzikën, do të sillte një frymë më të bukur për artdashësit. Pjesëmarrja është e madhe, ovacionet ishin prezente dhe shpresoj që edhe ditët në vijim të jetë e njëjta atmosferë”, – shprehet Kamolli.

Ndërsa për pianisten Dhurata Lazo, e cila ka çelur festivalin “Vallja e Yjeve”, ka përjetuar një ndjenjë të veçantë që i’a ka sjellë vetëm qyteti i Pogradecit, liqeni dhe poezitë e Lasgushit.

"Vallja e Yjeve", festivali i muzikës klasike dhe

“Unë vërtet sot erdha për herë të parë në Pogradec, por qënka një perlë e vërtetë. Jam shumë e apasionuar pas poezive të Lasgushit dhe në këtë festival do të performoj një koncert recital, pjesa e parë është promovimi i muzikës tonë shumë të bukur shqiptare, ndërsa në pjesën e dytë, koncertin më të bukur që i përshtatet liqenit, dhe Pogradecit romantik. Pata një pritje shumë të ngrohtë dhe realisht jam shumë e lumtur që jam këtu.” – thotë Lazo.

Në këtë festival do të jetë e pranishme edhe vajza e të madhit Lasgush Poradeci, e cila mes shumë kujtimeve me babain e saj, ka zgjedhur që disa prej tyre t’i tregojë për publikun në natën e dytë të festivalit.

"Vallja e Yjeve", festivali i muzikës klasike dhe

“Ky është një festival që tregon se vlerat nuk vdesin kurrë. Pjesë e tij jam edhe unë, do të performoj duke treguar se ccfarë kam ndjerë unë kur babai im Lasgushi fluturoi në parajsë dhe do të them më pas se ccfarë ka thënë babai im për gjeniun shqiptar. Për mua dhe për shumë të tjerë, im atë është një gjeni, dhe gjeniu është ai që nëpërkëmb të gjitha interesat dhe sidomos ato materiale. Gjeniu është ai që i beson asaj që krijon dhe sot që promovohet im atë pas kaq shumë vjetësh, e përsëris, tregohet nëpërmjet këtij festivali që vlerat nuk vdesin”, – shprehet Marie Gusho.

"Vallja e Yjeve", festivali i muzikës klasike dhe

Festivali do të vijojë të shfaqë për publikun edhe për tri netë radhazi një shumëllojshmëri koncertesh, me shumë të ftuar, të cilët jo vetëm do të vizitojnë Pogradecin, por edhe do të marrin e japin kënaqësi nga publiku./CNA.al