LEXO PA REKLAMA!

SHKARKO APP

E fundit!

x

Shefi i policisë që ka pasion fotografinë/ Ardian Fezollari, “nën lupën” e aparatit

24 Korrik 2022, 09:00, Qyteti im CNA

Shefi i policisë që ka pasion fotografinë/ Ardian Fezollari,

Ardian Fezollari është një ndër fotografët më të njohur shqiptar, ndërsa për Pogradecin mbetet një ndër më të mirët dhe fat për qytetin liqenor që e ka pjesë të artit. Momentalisht, Fezollari mban postin e shefit të komisariatit të Kolonjës, dhe pjesë e policisë është prej një jete, aq sa është pjesë edhe e fotografisë. CNA.al sjell për lexuesit një profil të veçantë të Ardianit, i cili na tregon me shumë kënaqësi rreth pasionit të tij më të madh. Kontaktin e parë me fotografinë ai e ka pasur në vitin 1990, atëherë kur ka blerë një aparat fotografik “Bierette”, shumë i thjeshtë në atë kohë, me të cilin bënte foto me shokë e miq.

Shefi i policisë që ka pasion fotografinë/ Ardian Fezollari,

“Pasioni për fotografinë filloi të shtohet në vitin 1994 kur fillova specializimin në Institutin e Policisë Shkencore për t’u titulluar Ekspert Kriminalist.

Dihet që një nga mjetet e ekspertit kriminalist është dhe aparati fotografik, gjithashtu s’duhet të harrojmë që unë jam lindur dhe rritur në një nga qytetet më piktoreske të Shqipërisë, në Pogradec, i cili të befason në çdo moment dhe stinë me peizazhin e tij.

Aparati fotografik që pas vitit ‘94 është bërë pjesë e pandashme imja kudo që shkoj për të fiksuar natyrën shqiptare. Shumë vetë më pyesin se si ndihesh me këtë profesionin e “dytë” dhe vërtet i tillë është për mua, pasi të gjithë apo secili nga ne ka hobet e tij, dikush gjuetinë, dikush hiking, dikush tjetër vreshtarinë apo dhe lulet, mua më qëlloi fotografia (buzëqesh), gjë për të cilën nuk ndihem keq pasi është nga gjërat që më bën të ndihem i lirë, i freskët por, pse jo bëj dhe një shërbim qytetar për të pasqyruar natyrën e vendit tim.

Për shkak të profesionit në polici, puna më ka “hedhur” në qytete të ndryshme dhe për mua ka qenë vërtet fat të pasqyroj natyrën, trashëgiminë kulturore, etnografine apo dhe sitet arkeologjike”, shprehet Fezollari.

Shefi i policisë që ka pasion fotografinë/ Ardian Fezollari,

Në ditët e sotme, fotografia gjendet te çdo person që ka qoftë edhe thjesht një telefon, me pastime të herëpashershme në rrjete sociale. Duket se është pjesë e pandarë për këdo, përfshirë fëmijët madje edhe moshat e thyera. Por, sa e vështirë është të bësh një fotografi? Ardiani thotë se është e vështirë për ata që duan të bëjnë fotografi personale, pasi sot me globalizimin e madh që ka marrë fotografia, ku secili ka një aparat në dorë, merr akoma më shumë vlerë të qenurit profesionistë.

“Personalisht i kushtoj kujdes më shumë kohë momentit për të bërë fotografi, kompozimit, i cili e bën më shprehëse atë që do të evidentosh pasi sado i mirë të jetë aparati, është syri dhe mendja që e vë atë në punë.

Të gjithë fiksohen pas “pixel"-ave të lartë duke lënë mënjanë momentin, atë impaktin e parë që të jep ajo mbi të cilën ti fotografon. E gjitha përmblidhet në 1/1000 e sekondës, për të bërë momentin "e pavdekshem”, në rastin më të mirë (qesh).

Kur postoj në rrjetet sociale ndesh me fjalën “pikturë” gjë që më bën vërtet të ndihem mirë, apo krahasim me piktorë të famshem dhe une që përgjigjem me “ah sikur”. Unë mendoj që fotografia është luks, rusët kanë një shprehje, nëse do të rrënosh një njeri nga paratë, vari në qafë nje aparat fotografik …(qesh).

Shefi i policisë që ka pasion fotografinë/ Ardian Fezollari,

Ardiani lëvron kryesisht peizazhin, dhe sic ai shprehet, aty ndihet më komod duke iu përmbajtur asaj që njeriu di të bëjë më mirë. Në galerinë e tij fotografike, nuk i mungojnë portretet apo fotografik të rrugës, por natyra dhe peizazhi gjenden brenda tij.

“Pogradeci ofron shumë në këtë drejtim, qoftë me liqenin apo dhe me natyrën përreth por edhe me zonat rurale siç jane krahina e Mokrrës (origjina ime) apo edhe ajo e Gorës. Në fotot e mia gjen sa peizazhe nga liqeni në të gjitha stinët dhe sidomos të parapëlqyerat e mia janë vjeshta dhe dimri, por edhe nga qytete të tjera që nga veriu në jug. Sot është shumë e vështirë të bësh peizazh, pra t’i shpëtosh panoramës, kartolinës (gjë që nganjëherë njerëzit e ngatërrojnë kur thonë “kjo foto si kartolinë”). Gjithashtu më pëlqen të merrem dhe me trashëgiminë kulturore por pse jo dhe me etnografinë së fundmi si një nga gjërat që shteti dhe secili nga ne duhet të merret seriozisht pasi rrezikohen nga degradimi dhe mos ruajtja (aq më keq edhe nga vjedhja).” – thotë Ardiani.

Shefi i policisë që ka pasion fotografinë/ Ardian Fezollari,

Ky profesion i Ardianit është finalizuar me disa ekspozita të organizuara në juglindje, si edhe me disa albume fotografike që përmbajnë fotografi të mrekullueshme të peizazheve dhe natyrës shqiptare.

“Unë kam ekspozuar që nga viti 1996 dhe në vazhdim. Ekspozitat kanë qenë sa personale aq edhe kolektive. Personalisht unë organizoj një aktivitet që quhet 'Ditët e Fotografisë' i cili mbahet në qytetin e Pogradecit. Gjithashtu jam prezent me kalendarë apo postera turistikë dhe së fundmi kam botuar 3 albume fotografike, përkatësisht 'Pogradeci' i cili vjen me i plotë me të gjitha resurset turistike dhe trashegiminë kulturore dhe pason atë album 'Landscape' botuar në vitin 2006, 'Parku Kombëtar i Prespës' si dhe 'Parku Kombëtar  Divjakë - Karavasta'.

Të gjitha këto jane iniciativa private pa ndihmën e askujt, sic duket Pogradeci është larg nga Tirana (qesh). Të vjen keq që nje punë e mbledhur në vite pasi për Pogradecin u deshën 16 vjet, për Prespën 12 vjet, Divjaka po ashtu, siç duket botimet s’bëjnë punë pasi duhet të jemi akoma në fazën e sensibilizimit për ruajtjen e Parqeve Kombëtarë.” – shprehet Fezollari.

Shefi i policisë që ka pasion fotografinë/ Ardian Fezollari,

Në galerinë e fotove më poshtë do të mund të gjeni një pjesë të punës së fotografit Ardian Fezollari. Ndërsa me të njëjtin emër mund të shihni galerinë e plotë në rrjetet sociale "Facebook" dhe "Instagram"./CNA.al

Lajmet e fundit nga