LEXO PA REKLAMA!

SHKARKO APP

E fundit!

x

Reportazh-"Tek Vendi", risia e festave në juglindje/ Pse mori këtë emër dhe si ndikoi pandemia

12 Korrik 2022, 14:36, Qyteti im CNA

Reportazh-"Tek Vendi", risia e festave në juglindje/ Pse mori

Jeta e natës preferohet gjithnjë e më shumë nga të rinjtë korçarë, të cilët çdo fundjavë mbushin baret e Korçës për të kaluar pasditen.

Një formë argëtimi që vitet e fundit ka lulëzuar në juglindje, me festa të organizuara në vendet kyçe të qytetit, me muzikë të zgjedhur, madje edhe me këngëtarë që performojnë live për publikun. Kjo frymë u ndal në kohën e pandemisë, por edhe në atë vit, një grup të rinjsh sollën idenë e festave në natyrë, ku organizoheshin party të ndryshme në vende larg qytetit.

Reportazh-"Tek Vendi", risia e festave në juglindje/ Pse mori

Ky event quhet “Tek Vendi”. Por përse u quajt kështu? Përgjigjen e gjeni më poshtë!

Eventi ka lindur në vitin 2020, në një periudhë kur jeta e natës mbyllej në ora 20:00, për të përfaqësuar të vetmen mundësi në qytetin e Korçës për grupin e njerëzve që vërtetë donin të festonin. Eventet ishin rreptësisht të ndaluara, ndaj dhe për të mos u zbuluar vendndodhja e eventit që do të organizohej, u quajt “Tek Vendi”-tregojnë organizatorët.

Reportazh-"Tek Vendi", risia e festave në juglindje/ Pse mori

Sipas organizatorëve eventi nuk pati asnjë instrument marketingu, por ftesat personale nga ne organizatorët ishin mjaftueshëm për një grup prej 150 personash që të bëheshin pjesë e tij në fshatin e Shipskës (46 minuta larg Korçës).

Duke parë një interes shumë të madh, u vendos të organizohej eventi i dytë të njëjtin vit, por kësaj here në një peisazh natyror afër fshatit të Polenës (13 minuta larg Korçës), ku u bënë pjesë rreth 350 persona.

Në vitin 2021, “Tek Vendi” organizon tre evente tek Pylli i Fazanëve (20 minuta larg Korçës), ku pjesëmarrës u bënë mbi 850 persona.

Organizimet e këtij viti e treguan qartë se “Tek Vendi” u bë i dashur për njerëzit dhe rrugëtimi i tij duhet të marrë përmasa më të mëdha.

Reportazh-"Tek Vendi", risia e festave në juglindje/ Pse mori

Vendet me natyrë të mrekullueshme, me ajër të pastër dhe gjelbërim përreth, mbeten destinacionet kyçe që jo vetëm kërkojnë promovim por përcjellin ndjesi të këndshme për publikun.

Reportazh-"Tek Vendi", risia e festave në juglindje/ Pse mori

“Eventet marrin jetë në peisazhe të ndryshme natyrore në rrethin e Korçës sepse një prej qëllimeve kryesore është t’i japin jetë vendeve që meritojnë të kenë jetë dhe që duhen vizituar nga më shumë njerëz, si Fshati i Shipskës ku nisi rrugëtimi jonë, Fshati i Polenës dhe Pylli i Fazenëve, tre lokacione me natyrë të jashëtzakonshme. Festa jonë ka një karakter nomad, kjo festë nuk karakterizohet nga një lokacion apo nga një artist por nga komuniteti që e ndjek dhe mbështet, i cili i sjell jo vetëm eventit por edhe peisazheve të harruara, energji, zhurmë e jetë. Ne u jemi falenderues këtij komuniteti që na ka shoqëruar në këto aventura dhe kanë thyer rutinën e eventeve të Korçës për ti dhënë jetë këtij profili feste.”-tha një ndër organizatorët.

Reportazh-"Tek Vendi", risia e festave në juglindje/ Pse mori

Po ashtu, organizatorët thonë se “Këtë vit festojmë 3-vjetorin e” Tek Vendi”. Çdo event kemi synuar të rrisim cilësinë e organizimit të këtij eventi. Ky vit sjell, në një lokacion fantastik afër fshatit të Boboshticës, me partnerë të mëdhenj si Ëinston, Tuborg, Standard Vodka etj, dhe më e rëndësishmja, me një Komunitet Gjigand që presin të krijojnë kujtimet më të çmendura të këtij viti, një festë të kuruar dhe të planifikuar sa më mirë për të anoncuar më në fund çeljen e festave dimërore te “Tek Vendi” dhe gjithashtu eventeve me muzikë Elektronike për të përfshirë një komunitet më të gjërë dhe për tu dhënë mundesinë të gjithëve të shijojnë organizimet tona.”

Reportazh-"Tek Vendi", risia e festave në juglindje/ Pse mori

Edhe këtë vit, ky event si një risi për juglindjen, do të ketë ndryshime të mëdha.

Organizatorët theksojnë se “Përgatitjet do të parashikojnë një numër prej 1200-1600 personash. Harta e ambientit do të përmbajë: zonë relaksi, zonë me tavolina të larta, kënd zbavitje, 4 tualete, zonë me jastiqe, parkim deri në 500 makina, 2 bare dhe hyrja. Eventi synon një rritje profesionale organizimi, përmasash dhe shtrirje. Objektiv prosperues është gjithashtu çelja e eventeve dimërore. Baristët dhe kamarierët e eventit janë përzgjedhur dhe trajnuar për të kryer një shërbim sa më efiçient dhe të kënaqshëm për klientin dhe gjithashtu për të sjellë një atmosferë sa me festive. Për sa I përket sigurisë, security do të vendoset në hyrjet e ambientit për të kryer kontrolle trupore tek të gjithë pjesëmarrësit, brenda në event për të evituar aksidentet e padëshirueshme, në pika kyçe ku nevojitet një prezencë autoritare më qëllimin e vetëm që çdo person të ndihet i sigurt dhe mos i cënohet atmosfera personale.”

Reportazh-"Tek Vendi", risia e festave në juglindje/ Pse mori

“Tek Vendi” rikthehet sërish edhe këtë sezon veror në Korçë, me njoftime që do të bëhen nëpërmjet adresës në instagram : tek.vendi, email [email protected] dhe numer kontakti 0699929585./CNA.al

Reportazh-"Tek Vendi", risia e festave në juglindje/ Pse moriReportazh-"Tek Vendi", risia e festave në juglindje/ Pse moriReportazh-"Tek Vendi", risia e festave në juglindje/ Pse moriReportazh-"Tek Vendi", risia e festave në juglindje/ Pse moriReportazh-"Tek Vendi", risia e festave në juglindje/ Pse moriReportazh-"Tek Vendi", risia e festave në juglindje/ Pse moriReportazh-"Tek Vendi", risia e festave në juglindje/ Pse moriReportazh-"Tek Vendi", risia e festave në juglindje/ Pse mori

Lajmet e fundit nga