web counter
LEXO PA REKLAMA!

SHKARKO APP

App Store
Google Play

E fundit!

x

Polena, fshati që sjell traditën e lakrorit në saç

8 Gusht 2022, 17:18, Qyteti im CNA
Polena, fshati që sjell traditën e lakrorit në saç
Foto ilustruese

Festa e Lakrorit, e organizuar çdo vit në fshatin Polenë të Korçës, ka sjellë një atmosferë festive për të gjithë banorët e fshatit, korçarët, e jo vetëm. Qindra pjesëmarrës kanë shijuar lakrorin në saç nga duart e amvisave, të cilat me shumë kujdes kanë servirur lakrorë me përbërës të ndryshëm sipas preferencave të njerëzve. Ky event ka për qëllim ruajtjen e traditës dhjetëravjeçare të këtij fshati, por edhe të zonës së Korçës, ku lakrori me dy petë i pjekur në saç është më i njohuri.

Për pjesëmarrësit në festë, ky është një eveniment mjaft i veçantë pasi kërkon të përcjellë traditën te brezat e rinj. Një mësuese korçare ka treguar përshtypjet e saj lidhur me festën si edhe ka bërë apelin e saj për vajzat e reja.

“Profesionin e kam pasur mësuese, megjithatë jam një amvisë e rregullt. Lakrorin e kam pasur traditë nga gjyshja, e cila për herë të parë më mësoi që ta bëja në klasën e pestë. Ka vite që festa e lakrorit festohet në fshatin Polenë, ku qëllimi kryesor është që t’ua lemë amanet brezave të ardhshëm. Lakrorin e Korçës e bën të veçantë fakti që piqet në saç, me dy petë, të cilën nuk e gjen zakonisht në qytetet e tjera. Dhe kjo është edhe një arsye më shumë që vizitorë të ndryshëm vijnë për të provuar lakrorin e Korçës. Unë kam krijuar një grup familjar që 2 herë në muaj i mësoj si të bëjnë lakrorin, që dhe vajzat e reja të dinë si ta përgatisin atë.” – shprehet mësuesja.

Polena, fshati që sjell traditën e lakrorit në saç

Ndihmë në këtë eveniment janë edhe bashkëshortët e amvisave, të cilët bëjnë të mundur pjekjen e lakrorëve, por ndërsa i pyesim për sekretin e pjekjes njëri prej zotërinjve thotë se nuk mund të tregohen sekretet.

“Pjekja në saç është detyrë, patjetër, ka normalisht rëndësinë e saj. Por, nuk tregohen të gjitha sekretet e kësaj pune. Duhet që saçi të skuqet mirë që ta pjekë lakrorin, do të paktën 15-20 minuta që lakrori të piqet. Në përditshmëri me raste e ndihmoj zonjën, kur jam në shtëpi bëhem edhe unë pjesë e gatimit të lakrorit”.

Polena, fshati që sjell traditën e lakrorit në saç

Pjesë e vizitorëve janë edhe turistët e huaj, ndërsa në fjalën e tij, një turist anglez ka treguar se si u njoh me këtë festë.

“Bashkëshortja ime është nga Korça dhe unë përsonalisht ndjek faqen e Bashkisë në 'Facebook'. E mora vesh nga ky rrjet social për këtë festë. Është vend shumë i bukur, duket si festival. Kam provuar lakrorin dhe më ka pëlqyer shumë, sidomos ai me qepë dhe domate.” – tregon Mick Walker.

Polena, fshati që sjell traditën e lakrorit në saç

Për të katërtin vit radhazi, Polena ka mbledhur qindra korçarë e turistë, të cilët u bënë pjesë e eventit për të provuar lakrorin me dy petë, si edhe nën tingujt e muzikës popullore kanë shijuar disa orë qëndrimi në këtë fshat.

Polena, fshati që sjell traditën e lakrorit në saç

 

 





Lajmet e fundit nga