LEXO PA REKLAMA!

SHKARKO APP

7500 vite vendbanim “Palafit”/ Rifillojnë gërmimet në Lin

7 Gusht 2022, 19:07, Qyteti im CNA
7500 vite vendbanim “Palafit”/ Rifillojnë gërmimet në
Foto ilustruese

Në Lin të Pogradecit ka nisur faza e dytë e punës për zbulimin e vendbanimit "Palafit" i cili ka ekzistuar 7500 vjet më parë.

Projekti që mban emrin "Lin 3" po zbatohet nga Instituti i Arkeologjisë Shqiptare në bashkëpunim me Universitetin e Bernës në Zvicër. Sipas Ardian Anastasit, drejtuesit shkencor të punimeve, pas fazës së parë të zbulimit të vendbanimit në ujë, ka të dhëna të forta se ai shtrihej edhe bregun e liqenit.

“Ky është një projekt shumë vjeccar, dhe ishim të fokusuar në tre sondazhe të bëra në ujë që prej vitit të kaluar. Qëllimi ishte të merrnim më tepër informacion për pjesën kulturore, dhe analiza më të detajuara të pjesës organike e shtretëzuar në liqen. Sipërfaqja e këtji vendbanimi është e madhe dhe me rëndësi shumë të madhe, ndaj vendosëm që si fazë të dytë të përcaktojmë perimetrin e të gjithë vendbanimit. Këtë vit u munduam të ndërtonim një strategji për të gërmuar në afërsi të tokës, dhe shohim se është një fazë optimiste. Flasim për një periudhë gati 7500 vjeccare, synojmë të krijojmë një peizazh të këtij vendbanimi. Ndërkohë që me këto hapa, po shkojmë drejt një rindërtimi të palafitit në një rreze prej 30 km, e kjo synohet në përfundim të projektit.” – tregon Ardiani.

7500 vite vendbanim “Palafit”/ Rifillojnë gërmimet në

Mjaft të surprizuar, të kënaqur me bashkëpunimin dhe zbulimet paraqiten edhe zvicerianët. Martin Hinz tregon se  puna ka pasur dhe do të ketë rezultatë edhe më të mira.

"Bashkëpunimi jonë me kolegët shqiptarë është pjesë e një projekti europian të rëndësishëm që ka të bejë me banesat e pilotëve në rrethinat e liqenit të Ohrit. Jemi shumë të kënaqur ndërsa punojmë me koleget shqiptarë, gjithashtu duam të shkëmbejmë eksperiencat tona këtu. Kemi një situatë shumë premtuese, mendoj se mund të krahasojmë e të zgjerojmë rezultatet që kemi arritur më parë në pjesën maqedonase. Ne aktualisht në këtë projekt po gërmojmë nën ujë, që prej 2 vitesh, dhe tani po përpiqemi të zbulojmë se si kjo që kemi në këtë zonë, ka vijuar të shtrihet drejt bregut të liqenit. Dhe gjjthashtu kërkojmë të gjejmë lloje të ndryshme të materialeve që s'mund ti gjesh nën ujë. Pritshmëritë tona janë që këtu të gjejmë pjesë nga banesat, si edhe qeramikën që është përdorur prej tyre. Shpresojmë që në zonën që aktualisht po gërmojmë në nivelin aktual të liqenit të gjejme objekte të vyera të cilat më pas mund të çohen në ekzaminime me të sakta, kjo bëhet nëpërmjet teknologjisë dhe do të na japë një tablo me të madhe të pikturës qe ndodhet këtu.” – shprehet Hinz.

7500 vite vendbanim “Palafit”/ Rifillojnë gërmimet në

Vendbanimi Palafit i Linit rezulton më i madhi në Ballkan dhe mbase edhe në Europë, 7500 vjet më parë banorët zhvillonin bujqësinë, zejtarinë dhe peshkimin, ekziston edhe një palafit tjetër në palën maqedonase por shumë herë më i vogël më sipërfaqe sesa ky i Linit./CNA.al

 

 

Lajmet e fundit nga